Marku 9:3 - Bhiblia Yo Sawuleka

³ Tinguwo takwe ti hinduka ti txi phatima, ti txi basa ngutu, ti to kha nga ho ha ditikoni awu a sikotako ku ti kuwula, ti txi basisa ku nga toneto.

Marku 9:3 Referans Kwoze

Matewu 28:3

Khohe ya yona yi ti khetima nga kukeluka ka nzuma, se tinguwo ta yona ti ti basile kufana ni hunguva.

Dhaniyeli 7:9

Ani ni to simama ni wona, an'ze kuza ku txi vekwa situlu sa wukoma, se didhota da kale di to khalahatshi; syambalo sa dona i ti so basa kufana ni hunguva, ni misisi ya msungo ka dona i ti yo basa kufana ni matoya o basa; txikhalo txakwe txa wukoma txi ti fana ni titshatsha ta mndilo, ni mathandani a txona ma ti fana ni dituro da mndilo.

Mtuletelo 7:14

Ani ni to angula ni txi khani: “Mkoma wangu, awe ngawe u ti zivako.” Se ene a ti khene: “Avava, ngu va va tako ngu kuxanisekani ka hombe; va nga kuwula syambalo sawe, ve si basisa ngu mnoha wa Txinvutana.

Mtuletelo 7:9

Msana keto, ni woni dibutho da hombe da vathu, ava ni mmweyo asi sikotiko ku va bala, va otshe matiko, totshe tixaka, yotshe mixowo, ni totshe tidimi. Va ti ti emile masoni ka txiluvelo ni masoni ka Txinvutana, va di ni syambalo so basa, na va di ñote mijindo manzani kwawe.

Mithumo 10:30

Se Korneliyo a to xamula, a txi khene: “Kupindile masiku mararu kala konkuwa, ni ti maneka ni txi khongela nyumbani kwangu, ngu txikhati txa wutxhanu ni mune. Konako ni to wona m'thu a di emile masoni kwangu, na a di ambate tinguwo to phatima, a txi khene:

Isaya 1:18

Sekoko ngonani, hi ta wombawombisana, kuwomba Mkoma: Hambi ngako sionho sanu si di mi bhilivilisile mi fana ni txiwunguwungu, si na basa kufana ni hunguva; hambi ngako si di bhilivilisile kunzihala, si na nga matoya o basa.

Masalmo 68:14

Ngako awule wa Mtamo-wotshe a txi hangalasa wukoma, konako hunguva yi ti ti wa mmangoni ka Salmoni.

Masalmo 51:7

Ni basise ngu hisope txionho txangu kasiku ni na basa; ni kuwule kasiku ni na basa ngutu kupinda hunguva.

Mtuletelo 19:18

Mi ta dya nyama ya vafumeli, nyama ya tinduna, nyama ya va nyamitamo, nyama ya mahantxhi ni ya vagadhi va ona, nyama ya votshe vathu, vathuseki ni tikhumbi, vavadotho ni vahombe.”

Marku 9:4

Se ku to woneka masoni kwawe Elija ni Mosi na va txi womba-womba ni Jesu.

Luka 9:29

Ku ti ngako a txi khongela, khohe yakwe yi to phinduka, tinguwo takwe ti basa, ti txi phatima.