Marku 9:25 - Bhiblia Yo Sawuleka

²⁵ Jesu ngako a txi wona dibutho di txi mu tutumela, a to kawuka moya wa nzambwa a txi khene: “Awe moya wa wuduma ni wa wuphanzeve, na kuruma: Huma, u nga swe u txi wulela kwakwe.”

Marku 9:25 Referans Kwoze

Mithumo 16:18

E tama a txi mahisa toneto masiku amangi; se Paulo e xamukiswa ngutu, a txi gwita ngu kutshembereka a txi gela moya, a txi khene: “Na kuruma ngu ditina da Mkoma Jesu Kristu: Huma ka muhoraneyo.” Se kunukunuko moya wu to huma.

Luka 9:42

A di ngadi a txi tshuketa, didhimoni di to mu ginyalata, di txi mu dhudhumelisa, kambe Jesu a to dhusa moya wule wa nzambwa, se e hanyisa mwanana e mningela ka tate wakwe.

Marku 9:15

Ngako dibutho di txi wona Jesu, di to xamala ngutu, se ve mu tutumela kuya mlosa.

Matewu 17:18

Jesu a to dhusa didhimoni, se didhimoni di huma ngu ka mfana wule, se ene e hanyiswa ka yoneyo mbimo.

Judha 1:9

Kambe ngelozi ya hombe Migeli, mbimo yi a nga txi kanetisana ni Sathani ngu mhaka ya txirumbi txa Mosi, kha tsana kuwomba dipswi da kumruka, aniko a to gwitela kuwomba, a txi khene: “Mkoma a na ku kawuke!”

Luka 11:14

Se a to tovela didhimoni da txiduma. Ku ti ngako didhimoni di di humile, txiduma txi to womba-womba, se mabutho me xamala.

Luka 8:29

Ene a wombile tiya nguko Jesu a ti rumile moya wu wo biha kuhuma ka m'thu wule. Moya wule i ti kale wu txi mu xanisa, a txi zumba a di sungilwe ngu titxhini ni makhodha, kambe ene e si bhenula e rethelwa txiwulani ngu didhimoni.

Luka 4:41

Madhimoni ma to huma ka votala, me huwelela ma txi: “Awe u Mwanana wa Txizimu.” Kambe Jesu a to ma dhusa e ma tsimba kuwombawomba, nguko ma ti m'ziva ta tinene ti to ngene Mesiya.

Luka 4:35

Se Jesu a to wu dhusa, a txi khene: “Malala, u huma kwakwe.” Ngako didhimoni di di mu ginyalatile hagari kwawe, di to huma kwakwe di sa mu maha phango.

Zakariya 3:2

Aniko Mkoma a to khene ka Sathani: Mkoma wa kukawuka awe Sathani, ina, Mkoma, wu a nga sawula Jerusalema, wa kukawuka; ina hi nga txisoso txo thaviswa ha mndiloni kani?

Matewu 12:22

“Sekoko, va to neha kwakwe m'thu wa madhimoni, i nga ti dibhofu ni txiduma. Ene a to mu hanyisa, se awu wa txiduma e khata kuwombawomba ni kuwona.”

Marku 9:24

Se tate wa mwanana a to kwangula, a txi khene: “Na kholwa! Aniko ni vhune ku ambi kholwa kwangu.”

Marku 9:26

Wona wu to peka huwa, wu txi mu zuza-zuza ngutu, wu txi huma; se mfana a to tsivala, se vavangi ve pimisa ti to a fite.