Marku 9:23 - Bhiblia Yo Sawuleka

²³ Jesu a ti khene kwakwe: “Ngako u txi sikota! Totshe ta koteka ka wu a kholwako.”

Marku 9:23 Referans Kwoze

Johani 11:40

Jesu a to mu xamula, a txi khene: “Kasi kha na kugela tito, ku nga ti u txi kholwa, u na wona lidhumo la Txizimu, kani?”

Vahebheru 11:6

Se hahanze ka likholo kha ti koteki ku txi tsakisa Txizimu, nguko, awule a tshuketelako hafuhi ka Txizimu, a fanete kukholwa ti to txona txi ho, ni ti to txa ninga txhatxhazelo ka vale va txi lavako.

Marku 11:23

Kha ditshuri ni khani kwanu: Mmwani ni mmwani a no womba ka txitunga txiya, a txi khene: ‘Khukha u ya ti rinza lineneni’, na asi kanakani mbiluni kwakwe, kambe a txi kholwa ti ta ku ati a ti wombako ti na maheka, a na mahelwa tona.

Matewu 17:20

Jesu a va xamute a txi khene: “Ngu mhaka ya kutumela kwanu ka kudotho, nguko kha ditshuri ni khani kwanu: Ngako mi di ni kukholwa ko fana ni mbewu ya txinapi, mi na womba ka mmango wuwa, mi txi khanu: ‘Khukha hawa u txi ya haleya’, wona wu na khukha. Txi walo ni tximwetxo mi no txi tanda.

2 Makronika 20:20

Se magwanani ka kona, va to wuka ni mixo veya txiwulani ka Tekowa; Mbimo yi va nga ti ti tsula, Josafati a to va ngela ku khene: Ni engiseni anu va ka Judha, ni nanu vazumbi va Jerusalema: Thembani Mkoma Txizimu txanu kasi ku mi na tsana; thembani vaprofeti vakwe mi na xula.

Luka 17:6

Mkoma a xamute a txi khene: “Idiku mo va ni likholo lo fana ni nyingi ya txinapi, mi ndi na gela mmora wuwa mi txi khanu: ‘Ti dule u txi ya ti phaya upune lineneni.’ Se wona wu ndi na mi engisa.”

Mithumo 14:9

A ti ti engisela ti ti wombwako ngu Paulo. Se ene ngako a txi mu wonisisa, e wona ti to ana ni kukholwa ko dingana ku e hanyiswa,

Marku 9:22

Se sikhati sasingi wu mu tshotshile mndiloni ni matini kasi ku mu lovisa. Kambe ngako u txi sikota, hi vhune, hi pfele wusiwana.”

Marku 9:24

Se tate wa mwanana a to kwangula, a txi khene: “Na kholwa! Aniko ni vhune ku ambi kholwa kwangu.”

Matewu 14:29

Jesu a nje khene: “Ngono!” Pedro a di txhikile ngu ngalavani, a to tsimbila txitimwi ka mati a txi ya ka Jesu.