Marku 9:12 - Bhiblia Yo Sawuleka

¹² A to va angula a txi khene: “Kha ditshuri Elija a nata kuthanga, a ta wuseta sotshe; kambe ti bhalisilwe kutxani ngu mhaka ya Mwanana wa M'thu, ti ta ku a fanete kuxaniseka ngutu ni kunyenywa kani?

Marku 9:12 Referans Kwoze

Isaya 50:6

Ni tshuralela vale va ni pekako, ni khohe yangu ka vale va ni xurulelako misisi; kha ni sisi khohe yangu, ka vale va ni poyilelako, ni ku ni thurela.

Isaya 52:14

Vathu votala mbimo yi va nga wona va to xamala, nguko khohe yakwe yi ti ti bihile ngutu, kupinda tikhohe ta vamwani, ni txiwumbeko txakwe txi ti ti pinda txa vamwani anana va vathu.

Luka 23:11

Herodha ni masotxhwa akwe va to womba-womba nayo ngu ku mu eyisa ni ku mu poyilela. Se ve mu ambeka nguwo yo khetima, va txi tshumela ve m'rumela ka Pilato.

Isaya 49:7

Mkoma a womba tiya, Mtiruli wa Israyeli, Msawuleki wakwe, ka dihika do eyiswa, do yenywa ngu matiko, ka txithumi txa vale va fumako: Vafumeli va na mu wona va txi khukha, ve ema; vathangeli va na nama masoni kwako, ngu lirando la Mkoma, i ku wo thembeka, ni Msawuleki wa ka Israyeli, a nga kusawula.

Zakariya 13:7

Awe ditxhari khukha u lwa ni m'dyisi, lwana ni wamwamna wule i ku mngana wangu, kuwomba Mkoma wa Mabutho a Tiyimbi; peka m'dyisi, se ti na hangalaka tinvuta; aniko ni na nawuluta dianza dangu, ni peka vale vavadotho.

Luka 1:76

Se awe, mwananawe, u na dhanwa ku u mprofeti wa Nyatxitimwi; nguko u na thangela masoni ka Mkoma, kasi kululamisela tinzila takwe.

Malakiya 4:6

Se a na hundulusa timbilu ta vatate ka vanana vawe, ni timbilu ta vanana ka vatate vawe; kasi ku ni si ti ni ta peka ditiko ngu txiruko.

Luka 23:39

Mmweyo wa sigevenga sile a nga ti bethetwe naso, a to mruketela, a txi khene: “Ngako i di awe Kristu, ti hulukise awe, kumweko ni nathu.”

Matewu 26:24

Mwanana wa M'thu a na tsula nga ti ti nga bhaliswa tona, aniko dikhombo da wule ene Mwanana wa M'thu a no ningelwa ngu ngene! Ti ndi nava i di txhuko, ngako mthuyo a ti sa velekwa!”

Matewu 16:21

Kukhukhela ka donedo ditshiku, Jesu a to khata kukomba vagondiswa vakwe ti to a fanete kutsula Jerusalema eya xaniswa ngutu ngu madhota ni vabhali, ni vaphaxeli va hombe, ni ti to a na dawa, se ngu msana a na tshumela e wuka ka vakufa ngu ditshiku da wuraru.

Zakariya 11:13

Se Mkoma a to ni gela tiya: Mtengo wuwa ni nga thembiswa wona ngu vona, wu ningeleni ka muwumbi wa tikhadi. Se ni to teka magumi mararu a silivhela ni ya yi ningela ka muwumbi, Nyumbani ka Mkoma.

Masalmo 74:22

Wuka awe Txizimu, vhikela mhaka yako! Alakanya ti to vathu vo mbi ziva va kuonhela yotshe mbimo!

Marku 9:13

Kambe na mi gela ti ta ku Elija a tile, se va mmahile totshe ti va nga ti lava, kota nga ti ti nga bhalwa ngu mhaka yakwe.”

Marku 9:31

nguko a ti lava kugondisa vagondiswa vakwe. A txi va gela ku khene: “Mwanana wa M'thu a na ningelwa manzani ka vathu. Vona va na m'daya, kambe ma di pindile masiku mararu msana ka kufa kwakwe, ene a na wuka.”

Marku 10:33

“Wonani, hi kwelela Jerusalema, se Mwanana wa M'thu a na ningelwa ka vaphaxeli va hombe ni ka vabhali. Vona va na mu avanisela lifo ve mningela ka vamatiko.

Mithumo 1:6

Avale va nga ti tshanganile va to mu wotisa, va txi kha vona: “Mkoma, ina ngu yona yi mbimo u lavako kuwusa mfumo wa Israyeli, kani?”

Mithumo 4:11

Ene ngene dirigwi di di nga nyenywa ngu nganu vaaki, adiya se di nga mahwa msungo wa dikhona.