Marku 9:1 - Bhiblia Yo Sawuleka

¹ A to engeta a txi khene kwawe: “Kha ditshuri na mi gela, ni khani: Vamwani va va kuho kona hawa kha va na mbi pfa lifo, va sinzi kuwona Mfumo wa Txizimu, wu txi ta ngu mtamo.”

Marku 9:1 Referans Kwoze

Luka 9:27

Ni tsanisile ni khani kwanu: Va ho vamwani va nga ema kona hawa, ava va no mbi gweswa ngu lifo, va sinzi kuwona Mfumo wa Txizimu.”

Vahebheru 2:9

Jesu wu a nga vekwa hahatshi ka tingelozi ngu txikhatinyana txa txidotho, ha mu wona na a di vekilwe m'bhoti wa kupfaliswa ni kudhumiswa, ngu mhaka ya sixaniso sa lifo. Kunene, ene ngu mtamo wa kateko ya Txizimu, a dukile lifo, kasiku a txi hanyisa votshe vathu.

Luka 22:30

kasi ku mi txi dya ni kusela ha mezani kwangu, ka Mfumo wangu; ni ti to mi txi khalahatsha ka sikhalo sa wukoma mi txi lamula tihunzu ta digumi ni timbidi ta ka Israyeli.”

Marku 13:30

Kha ditshuri na mi gela: Liveleko liya kha li na mbi pinda, na totshe tiya ti sa maheka.

Matewu 25:31

“Mbimo yi a nota Mwanana wa M'thu ni wudhumo wakwe, kumweko ni tingelozi takwe, ene a nata khalahatsha ha txikhaloni kwakwe ka wukoma.

Luka 22:18

nguko na mi gela ti to kha ni na mbiswa ni sela kambe mihando ya m'vhinya kala kuta ka Mfumo wa Txizimu.”

Luka 2:26

A wonisilwe ngu wona Moya wo Sawuleka ti to kha na mbi fa a sanzi kuwona Mesiya wa Mkoma. Ene a to yiswa Dithepeleni ngu Moya wo Sawuleka.

Marku 13:26

Konaho mi na wona Mwanana wa M'thu na a txi ta a di marefuni, a di ni mtamo wa hombe ni wudhumo.

Matewu 24:30

Sekoko ku na woneka txikombiso txa Mwanana wa M'thu nzumani; se totshe tihunzu ta ha mafuni ti na dila, ngako ti txi wona Mwanana wa M'thu a txi ta a di txitimwi ka marefu a nzumani ni mtamo ni wudhundo wa hombe.

Matewu 16:28

Kha ditshuri ni khani kwanu: Hagari ka va va kuho hawa, vaho vamwani va no mbi fa, va sa thanga ngu kuwona kuta ka Mwanana wa M'thu Mfumoni kwakwe.”

Johani 21:23

Ngu konaho mhaka yiya yi to hangalaka hagari ka vanawe, ti to mgondiswa wule kha na mbi fa. Kambe Jesu kha womba tona taku khene kha na mbi fa; aniko a ti khene: “Ngako ni txi lava ku a na zumbe kala ni wuya, ku nga va i di txani kwako kani?”