Marku 8:38 - Bhiblia Yo Sawuleka

³⁸ Nguko awu a ku ni tingana ngu ngani ni mapswi angu masoni ka liveleko liya lo mbi thembeka masoni ka Txizimu ni la vaonhi, nene Mwanana wa M'thu a na va ni tingana ngu ngene, ditshiku di a no wuya ni wudhumo wa Tate wakwe, ni tingelozi to sawuleka.”

Marku 8:38 Referans Kwoze

Varoma 1:16

Ani kha ni nga ni tingana ngu Evhangeli, nguko i mtamo wa Txizimu, awu wu hanyisako wuhi ni wuhi a kholwako, kukhata Mujudha, ngu msana nene Mugriki.

1 Johani 2:23

Wuhi ni wuhi a lambako Mwanana, Tate kha nga ni nene; se awu a fakazelako Mwanana, ni Tate waho kwakwe.

Jakobe 4:4

Vanyawugangonu, kha mi tizivi ti to wungana ni ditiko mbulala ka Txizimu, kani? Ngu toneto, awu a lavako wungana ni ditiko, i mlala wa Txizimu.

Luka 9:26

Nguko ni wuhi a telwako ngu tingana ngu ngani, ni timhaka tangu, Mwanana wa M'thu a na telwa ngu tingana ngu ngene, mbimo yi a no wuya, wudhumoni kwakwe ni ka Tate, ni ka tingelozi to sawuleka.

2 Timoti 1:8

Ngu toneto, u nga telwe ngu tingana kufakazela Mkoma Wathu, hambi kufakazela ani ni ku txibotxhwa ngu kota yakwe, aniko sengela ni nani kuxanisekani kwangu ngu mhaka ya Evhangeli, u txi tsaniswa ngu mtamo wa Txizimu,

Matewu 26:64

Jesu a to xamula a txi khene: “U wombile tona. Se nanani na mi gela tito, kukhukhela konkuwa, mi na wona Mwanana wa M'thu, a di khalahatshile txineneni ka Txizimu, Nyamne wa Mtamo wotshe, a txi ta ngu txitimwi ka marefu a nzumani.”

Matewu 16:27

Nguko Mwanana wa M'thu a nata ni wudhumo wa Tate wakwe, kumweko ni tingelozi takwe, se a nata hakela mmwani ni mmwani kota nga ti a nga hanyisa tona.

Vahebheru 11:26

Ene a woni kuxaniswa ka Kristu ku di ni lisima ngutu, kupinda tithomba ta Egipta, nguko, ene a ti rinzela kuamukela hakhelo.

Vahebheru 11:16

Aniko, vona va vilela mwani ka nzumani. Ngu toneto, Txizimu kha txa pfa tingana ngu kuwomba ti to i Txizimu txawe. Kha ditshuri, txona txi va lulamisete didhoropa.

2 Timoti 1:12

Ngu toneto, ni xanisekelako tona. Aniko kha ni na tingana, nguko ani na m'ziva awu ni thembako ene, na tiziva ngu ditshuri ti to ene ana ni mtamo wa kuveketa asi a nga ni vekela manzani kwangu, kala kedo ditshiku.

Matewu 12:39

Se ene a to va xamula a txi khene: “Liveleko la tshofu ni la wugango li lava txikombiso, aniko kha li na mbi ningwa tximwani txikombiso, hahanze ka txikombiso txa mprofeti Jona.

Johani 1:51

A to engeta a txi khene: “Ngu ditshuri, ngu ditshuri, na mi gela ku khani: Kukhukhela konkuwa, mi na wona nzuma yi di tulekile, ni tingelozi ta Txizimu na ti txi kwela, ti va ti txhika txitimwi ka Mwanana wa M'thu.”

Matewu 25:31

“Mbimo yi a nota Mwanana wa M'thu ni wudhumo wakwe, kumweko ni tingelozi takwe, ene a nata khalahatsha ha txikhaloni kwakwe ka wukoma.

Matewu 24:30

Sekoko ku na woneka txikombiso txa Mwanana wa M'thu nzumani; se totshe tihunzu ta ha mafuni ti na dila, ngako ti txi wona Mwanana wa M'thu a txi ta a di txitimwi ka marefu a nzumani ni mtamo ni wudhundo wa hombe.

Luka 19:26

Jesu a txi khene: ‘Na mi gela ti taku wuhi ni wuhi a ku naso, a na ningwa simwani, aniko awu a ku si nga naso, a na tekelwa hambi sona si a ku naso.

Matewu 13:41

Mwanana wa M'thu a na rumela tingelozi takwe, ati ti no thavisa ka Mfumo wakwe votshe va i ku vakhuvekisi ni votshe va va mahako to biha,

Dhaniyeli 7:13

Ka txiwoniso txangu txa wusiku, ni to wona txo fana ni mwanana wa m'thu, a txi ta ngu ka marefu a nzumani; se a to tshuketela ka didhota dile da kale, eza e hoka hafuhi ka dona.

Dhaniyeli 7:10

Ku to huma mnambo wa mndilo ngu masoni kwakwe; vathu va magumi a mazana ve di thumela, ni magidi-gidi a vathu ma ti masoni ka dona; se ku to khalahatsha valamuli, se ku txi tulwa mabhuku.

Dhewuteronome 33:2

“A to khene koko: Mkoma a tile ngu Sinayi, a kwelete na a txi ta ngu Seyiri; a woningile a di mmangoni ka Parani, a txi ta ni 10.000 wa vasawuleki; txinene kwakwe ku ti ti ni mndilo wa mlayo.

Vahebheru 13:13

Ngu toneto, ahi humeni hi ya m'hingeta hahanze ka ditenda hi txi rwala kuruketelwa kwakwe.

2 Timoti 1:16

Mkoma a na telwe ngu wumbilu ka mwaya wa Onesiforo, nguko sikhati so tala a ni rulisite mbilu, kha telwa ngu tingana ngu mhaka ya tingomondo tangu,

Vagalatiya 6:14

I di ani, ti nave kule ni nani ku ti dhumisa ngu txilo tximwani, hahanze ka txihambano txa Mkoma Wathu Jesu Kristu. Kunene, ngu mhaka ya txihambano, kwangu, ditiko di bethetwe ha txihambanoni.

Mithumo 5:41

Vona va to huma ngu banzani ka wukoma, na va txi tsaka ngu kumaneka va di ha mtengoni ka vale va ku ni fanelo yo xupheka ngu mhaka ya ditina da Jesu.

Johani 12:34

Vathu va dibutho va to xamula va txi kha vona: “Hi ti engisile amu ka Mlayo ti to Mesiya a na vaho kala kupinduka. Se u wombisa kutxani awe ti to Mwanana wa M'thu a fanete kuguletwa, kani? Mwanana wa M'thu wuwa ngu mani kani?”

Johani 5:27

Msana keto, a mu ningile mtamo wo lamula, nguko ene i Mwanana wa M'thu.

Johani 1:14

Dipswi di ti mahile m'thu, e aka hagari kwathu; hi wu woni wudhumo wakwe, wudhumo wu Tate a nga ninga Mwanana wakwe wa Mmweyo ekha, wo tala ngu makatekwa ni ditshuri.

Marku 14:62

Jesu a to xamula a txi khene: “Ngani. Kambe mi na wona Mwanana wa M'thu a di khalahatshile txineneni ka Nyamne wa Mtamo wotshe, na a txi ta ngu marefu a nzumani.”

Matewu 16:4

Lixaka la tshofu ni la ku ambi thembeka ka Txizimu li kombela sidiwukiso, aniko kha li na mbi ningwa tximwani txidiwukiso, hahanze ka txikombiso txa mprofeti Jona.” Se a to va leka e ti tsulela.

Zakariya 14:5

Se mi na tutuma ngu mkova wa mimango yangu (nguko mkova wa mmango wu na hoka kala Azeli), se mi na tutumisa ku nga tile mi nga tutumisa tona, ngu kuzinginika ka mafu, ka masiku a Uziya, mfumeli wa ka Judha; sekoko a nata Mkoma, Txizimu txangu, ni votshe vasawuleki, awe Mkoma.

Matewu 8:20

Jesu a ti khene kwakwe: “Vanyapwe va ni mikele, ni sinyana sa nzuma si ni sisaka, kambe Mwanana wa M'thu kha na wukhalo wuwa a khigetako ka wona msungo wakwe.”

Matewu 16:28

Kha ditshuri ni khani kwanu: Hagari ka va va kuho hawa, vaho vamwani va no mbi fa, va sa thanga ngu kuwona kuta ka Mwanana wa M'thu Mfumoni kwakwe.”

Marku 8:37

Se m'thu a na humisa txani kasi kutekisa moya wakwe kani?

Marku 13:26

Konaho mi na wona Mwanana wa M'thu na a txi ta a di marefuni, a di ni mtamo wa hombe ni wudhumo.

Mithumo 10:22

Vona va to xamula, va txi kha vona: “Korneliyo, mthangeli wa dizana, awu i ku wamwamna wo lulama, a di ni txithavo ka Txizimu, awu a dhumiswako ngu dotshe ditiko da Judha, a leletilwe ngu ngelozi ya kusawuleka ya Txizimu, ku ta kudhana u ya m'tini kwakwe, kasi kuya engisa ti u no ya mu gela tona.”

1 Vatesalonika 2:19

Nguko, i mani mmwani, hahanze kwanu, awu i ku txithembo txathu, litsako lathu, m'bhoti wathu wa kupfaliswa masoni ka Mkoma wathu Jesu, ngu ditshiku da kuta kwakwe, kani?

1 Vatesalonika 3:13

Mkoma a na tsanise timbilu tanu amu ka wusawuleki wo mbina dikhwiti masoni ka Txizimu, Tate wathu, ngu mbimo ya kuta ka Mkoma wathu Jesu, kumweko ni votshe vasawuleki vakwe.

1 Johani 2:28

Se kona kuwa anu sivanananana, zumbani kwakwe Kristu, kasi ku mbimo yi a no ti wonekisa, hi nava ni kuthemba ka hombe, hi si vi ni tingana, kuwuyani kwakwe.

Mtuletelo 14:10

eyo nene a na sela vhinya ya kuhenya ka Txizimu, yo mbi timulwa ayi yi nga thelwa mu ka digombe da kuhenya ka txona; a na xaniswa ngu mndilo ni txivavula, masoni ka tingelozi to sawuleka, ni masoni ka Txinvutana.