Marku 8:35 - Bhiblia Yo Sawuleka

³⁵ Awu a lavako kuhulukisa wutomi wakwe a na luzekelwa ngu wona ani wu a luzekelwako ngu wutomi wakwe ngu mhaka yangu ni Evhangeli, a na wu hulukisa.

Marku 8:35 Referans Kwoze

1 Vakorinto 9:23

Ni maha tiya totshe ngu mhaka ya Evhangeli, kasiku ni txi mana txyavelo txangu ka yona.

2 Timoti 1:8

Ngu toneto, u nga telwe ngu tingana kufakazela Mkoma Wathu, hambi kufakazela ani ni ku txibotxhwa ngu kota yakwe, aniko sengela ni nani kuxanisekani kwangu ngu mhaka ya Evhangeli, u txi tsaniswa ngu mtamo wa Txizimu,

Luka 17:33

Wuhi ni wuhi a no randa kuxayisa wutomi wakwe, a na mwalalelwa ngu wona. Aniko wuhi ni wuhi a mwalalelwako ngu wutomi wakwe, a na wu xayisa.

Matewu 16:25

Awule a randako kuveketa wutomi wakwe a na wu mwalata, aniko awule a mwalatako wutomi wakwe ngu mhaka yangu, a na wu mana.

Matewu 19:29

Se wuhi ni wuhi, a nga leka tinyumba, vanawe, tindiyakwe, tate, mame, msikati, vanana mwendo tithembwe ngu mhaka ya ditina dangu, a na amukela sa kupinda ngutu asile, se ngu msana a na mana thomba ya wutomi wo mbi guma.

Matewu 10:39

Awule a zamako kuxayisa wutomi wakwe a na luzekelwa ngu wona, ani wule a luzekelwako ngu wutomi wakwe ngu mhaka ya lirando ni nani, a na tshumela e wu mana.”

2 Vakorinto 12:10

Ani na tsaka kutandekani kwangu, kurukwani kwangu, kupwatani kwangu, kunyenywani kwangu, kuxanisekani kwangu, ngu mhaka ya Kristu. Nguko, mbimo yi ni pfako kutandeka, nguyo mbimo ni ku ni mtamo.

Mithumo 9:16

Ani nipune ni na mu kombisa ti a fanelako kuxanisekisa tona ngu mhaka ya ditina dangu.”

Luka 9:24

Nguko awu a lavako kuponisa wutomi wakwe, a na wu mwalata; ani wu a mwalatako wutomi wakwe ngu mhaka yangu, a na wu hulukisa.

Mtuletelo 12:11

Kambe vona va mu xute ngu mhaka ya mnoha wa Txinvutana ni ngu mhaka ya dipswi di va ngadi fakazela, nguko kha va khatala ngu wutomi wawe kala kufani.

Matewu 10:22

Nananu mi na vengelwa ngu votshelele ngu mhaka ya ditina dangu. Aniko awu a no timisela kala magwito, ngene a no hanyiswa.

Mtuletelo 2:10

U nga telwe ngu dizowa ka tile ti no kuninga kupandiseka. Sathani a na beta mkorani vamwani kwanu, kasi ku mi duka. Mi na heta digumi da masiku na mi txi xaniseka. Zumba u di thembekile kala kufani, se ani ni na kuninga m'bhoti wa wutomi.

Mithumo 21:13

Konaho ene a to angula, a txi khene: “Mi dilela txani, mi ni tholako mbilu, kani? Ni ti emisete, i si nga kuya sungwa dwe, aniko hambi kuya fa Jerusalema ngu mhaka ya ditina da Mkoma Jesu.”

Mtuletelo 7:14

Ani ni to angula ni txi khani: “Mkoma wangu, awe ngawe u ti zivako.” Se ene a ti khene: “Avava, ngu va va tako ngu kuxanisekani ka hombe; va nga kuwula syambalo sawe, ve si basisa ngu mnoha wa Txinvutana.

Vahebheru 11:35

Vavasikati va tshumete ve mana vafi vawe va nga wuswa kufani. Vamwani va wiletwe sihango, ve lamba kuthuswa ngu kulava kuwuswa kufani ngu nzila ya tshuko.

Mithumo 20:24

Kambe kha ni khatali txilo ngu wutomi, ani ni enelelwa ngu kuhetisa nzila yangu, ngako ni txi sikota kuheta ti ni nga rumwa kumaha tona, ni mthumo wu ni nga vekelwa ngu Mkoma Jesu, kutxhumayela Evhangeli ya kateko ya Txizimu.”

Marku 8:36

Nguko ti na vhuna txani ka m'thu kumana dibhindu da mafu otshe e mwalalelwa ngu moya wakwe kani?

Ekleziyaste 3:6

mbimo ya kulava, ni mbimo ya ku mwalalelwa; mbimo ya kuveka, ni mbimo ya kutshotsha;