Marku 8:34 - Bhiblia Yo Sawuleka

³⁴ Se a di dhani dibutho kumweko ni vagondiswa, a to va gela a txi khene: “Ngako m'thu a txi lava ku ni londisa, a na ti leke apune, a txi rwala txihambano txakwe, a txi ni londisa.

Marku 8:34 Referans Kwoze

Matewu 10:38

Awule asi rwaliko txihambano txakwe, a txi ni londeta, kha ni faneli.

Johani 10:27

Tinvuta tangu ta engisa dipswi dangu, se ani na tiziva, nitona ta ni londisa.

1 Vafumeli 14:8

kambe ni bhandile mfumo wa nyumba ya Dhavhidha, se ni ninga awe, se awe khwa maha ku nga txithumi txangu Dhavhidha, a nga vekisa sirumo sangu, e ni londeta ngu yotshe mbilu yakwe, e mahile atile i ngadi ta tinene masoni kwangu;

Vagalatiya 5:24

Avale i ku va Kristu va bethete ha txihambanoni nyama ni wubihi wa yona ni minavelo ya yona.

Vagalatiya 2:20

Ngu toneto, hi nga ngadi ani ni hanyako, aniko i Kristu a hanyako kwangu. Konkuwa, ni txi hanya wutomi wa mmidi, ni hanya ngu kukholwa ka Mwanana wa Txizimu, awu a nga ni randa, a txi ti ningela ngu ngani.

1 Johani 3:16

Lirando hi li zivisa tiya: Jesu a ningete wutomi wakwe ngu mhaka yathu; se nathu hi fanete kuningela wutomi wathu ngu mhaka ya vanathu.

Mitengo 14:24

Kambe Kalebhi, txithumi txangu, awu a ku ni moya wo hambana ni vamwani va nga mninga mtamo. Ni kambe a ni engisile ngu kuhetiseka. Ene ni na mmaha a txi wulela ditikoni mule, a na va ka dona, ni liveleko lakwe li na di fuma.

Matewu 16:24

Sekoko konaho, Jesu a to gela vagondiswa vakwe a txi khene: “Ngako m'thu a txi lava ku ni londisa, a na ti leke, e pakata txihambano txakwe, a txi ni londisa.

Vafilipiya 3:10

Ngu kota yeto, ni na sikota ku m'ziva, ene ni mtamo wa kuwuka kwakwe, ni txi sengela nayo kuxanisekani kwakwe, ni txi dinganiswa nayo kufani kwakwe,

Varoma 8:17

Se ngako hi di vanana, ha fanelwa kambe ngu kudya thomba: Hi vadyi va thomba ya Txizimu, hi vadyi va yona kumweko ni Kristu, nguko akuwa hi xanisekako kumweko nayo, tikomba ti to kha ditshuri hi na dhumiswa kumweko nayo kambe.

Luka 9:23

Se a txi gela votshe ku khene: “Ngako m'thu a txi lava ku ni londisela, a na ti lambe apune, a txi pakata txihambano txakwe, ditshiku ni ditshiku, a txi ni londisa.

Vakolosa 3:5

Ngu toneto, ha mmidini kwanu, dayani asi i ku sa mafu: Wugango, mahanyelo a nzambwa, makolo, mixuvo yo biha, likungo, li fanako ni kukhozela siwumbwa.

Vafilipiya 3:7

Asi i nga ti dibhindu, kwangu, ni si woni si si vhuni txilo ngu mhaka ya Kristu.

1 Pedro 4:1

Ngu toneto, ngako Kristu a nga pfa kupanda nyamani kwakwe, na nanu xomani matxhari a kuzumba mi di ni mialakanyo yo nga toneto. Awule a nga xaniseka nyamani, a hambani ni txionho;

Vagalatiya 6:14

I di ani, ti nave kule ni nani ku ti dhumisa ngu txilo tximwani, hahanze ka txihambano txa Mkoma Wathu Jesu Kristu. Kunene, ngu mhaka ya txihambano, kwangu, ditiko di bethetwe ha txihambanoni.

1 Vakorinto 15:31

Vanathu, yotshe mbimo na fa, ngu mhaka ya kupfaliswa kuwa ni nga kumana kwanu, ngu ka Kristu Jesu Mkoma Wathu.

Varoma 6:6

Hotshethu ha tiziva ti to m'thu wathu wa kale a bethetwe ha txihambanoni kumweko ni Kristu, kufela ku mmidi wa txionho wu hasulwa, hi si swi kambe hi di tikhumbi ta txionho.

Luka 14:33

Ina-ko, ngu toneto, wuhi ni wuhi kwanu, asi tumeliko kuleka sotshe si a ku naso, kha na kumaha m'gondiswa wangu.”

2 Pedro 1:14

Nguko kunukunukuwa ni na huma ka ditenda diya, madingano ni txiziviso txiya ni nga mahelwa ngu Mkoma wathu Jesu Kristu.

1 Pedro 4:13

Aniko, tsakani ngu kumana txyavelo txa sixaniso sa Kristu, kasi ku na nanu, mi txi ta sikota kutsaka ni kugiya, ka ditshiku di ku nota kombiswa kupfaliswa ka Kristu.

Titosi 2:12

yona yi hi gondisa kuhambana ni to biha ni minavelo yo biha ya ditiko, ti to hi txi hanya ngu kutipimela ni kululama ni txithavo ditikoni muwa,

Vakolosa 1:24

Se ani na tsaka, ni tsakela sixaniso si ni si amukelako ngu mhaka yanu, ni txi eneta nyamani kwangu ati ti nga ti sate kuxanisekani ka Kristu, ni mahela Mmidi wakwe, i ku Dibanza.

Mithumo 14:22

Va ti tsimbila va txi tsanisa timbilu ta vagondiswa ni ku va laya ti to ve timisela amu ka likholo, nguko, kha vona, hi fanete kuamukela sixaniso sasingi, kasiku hi sikota kuwulela Mfumoni ka Txizimu.

Luka 18:22

Ku ti ngako Jesu a txi pfa toneto, a to khene kwakwe: “Njilo tximwetxo txi pwatekako kwako. Xavisa sotshe si u ku naso, u txi avela sisiwana, ngu kona u no va ni txuma nzumani; senikoko, ngono u txi ni londisa.”

Luka 13:24

Ene a mu xamute a txi khene: “Zamani ngu mtamo kuwulela ngu txike txo songa, nguko ani na mi gela ti to vavangi va na zama kuwulela, kambe kha va na mbi sikota.

Matewu 27:32

Se va di humile, va to mana m'thu wa mwamna, wa Kirene, a nga ti dhanwa ku i Simoni, ve mu kurumeta kupakata txihambano txa Jesu.

Mtuletelo 2:10

U nga telwe ngu dizowa ka tile ti no kuninga kupandiseka. Sathani a na beta mkorani vamwani kwanu, kasi ku mi duka. Mi na heta digumi da masiku na mi txi xaniseka. Zumba u di thembekile kala kufani, se ani ni na kuninga m'bhoti wa wutomi.

Vahebheru 13:13

Ngu toneto, ahi humeni hi ya m'hingeta hahanze ka ditenda hi txi rwala kuruketelwa kwakwe.

2 Vatesalonika 3:11

Se hi ti pfite ti to hagari kwanu, ku ni vathu va hanyelo ya ku ti hunda, ava va ti ningetelako ka so mbi nyawula, va txi leka kuthuma.

1 Vakorinto 9:19

Ni maneka ni di txhatxhekile masoni ka votshe; kambe ni ti mahile khumbi ya votshe kufela ku na mana vavangi ngutu.

1 Vakorinto 8:13

Ngu toneto, ngako sakudya si txi khuvekisa mwanathu, ani kha ni na mbiswa ni txi dya nyama, kasiku ni si khuvekisi mwanathu.

Johani 19:17

Se vona va to teka Jesu a di pakatile txihambano txakwe, a to huma e tsula ka wukhalo wu wu nga dhanwa ku i Txikwakwa, ngu Txihebheru va txi i “Golgota,”

Luka 20:45

Ene a to womba, na va txi tiengisa votshe vathu, a txi khene ka vagondiswa vakwe:

Marku 10:21

Konaho Jesu a to gula maso a txi mu wonisisa ngu ku m'dhunda, se a txi mu gela tiya: “U pwatekelwa ngu txilo tximwetxo dwe: Tsula u txi ya xavisa sotshe si u ku naso, u txi ningela ka sisiwana. U na mana thomba nzumani. Se ngono u txi ni londeta.”

Marku 7:14

Ngu msana a to engeta a txi ramba dibutho da vathu a txi va gela a txi khene: “Ni engiseni motshenu, mi txi engisisa.