Marku 8:33 - Bhiblia Yo Sawuleka

³³ Aniko Jesu a to tshembereka e wonetela vagondiswa, e kawuka Pedro, a txi khene: “Khukha masoni kwangu, Sathani! Khu khatali ngu timhaka ta Txizimu, u khatala ngu timhaka ta vathu.”

Marku 8:33 Referans Kwoze

Matewu 4:10

Se Jesu a to khene: “Khukha Sathani! Ti bhatwe tito: ‘U na khizamela Mkoma Txizimu txako, ngene ekha u no m'khozela.’ ”

1 Johani 2:15

Mi nga randeni ditiko, hambi ni si si ku ha mafuni. Awu a randako mafu, lirando lo randa Tate kha li nga ho kwakwe.

Vafilipiya 3:19

Magwito awe ngu kulova, nguko Txizimu txawe ngu mrumbu wawe. Va ti kukumukisa ngu sile si va thelako tingana, va khutalela tithomba ta mafu dwe.

Mtuletelo 3:19

Ani na kawuka ni kutsayisa votshe vava ni va randako. Wuseta kukhutala kwako u hunduluka.

Masalmo 141:5

Ngako m'thu wo lulama a txi ni tsayisa, eto ndinene kwangu; ngako a txi ni kawuka, eto ti fana ni mafura o bhumula, kha ma na mbi khukha ha msungo kwangu; nguko ni na simama ni va khongelela ngu mithumo yawe yo biha.

1 Pedro 4:1

Ngu toneto, ngako Kristu a nga pfa kupanda nyamani kwakwe, na nanu xomani matxhari a kuzumba mi di ni mialakanyo yo nga toneto. Awule a nga xaniseka nyamani, a hambani ni txionho;

1 Timoti 5:20

Kawuka avale va onhako masoni ka votshe kasiku ve telwa ngu kuthava.

1 Vakorinto 5:5

mamoyo a na ningelwe ka Sathani, ka lifo la mmidi, kasiku moya wakwe wu txi hanyiswa ka ditshiku da Mkoma.

Luka 22:61

Mkoma a to tshembereka a txi wonetela Pedro, se Pedro a txi khumbula dipswi da Mkoma, a nga mu gela ku khene: “Na mkuku wu sanzi kuemba, nyamsi awe u na ni lamba kararu.”

Marku 3:34

Se e wonetela va va nga ti mu randete, a txi khene: “Wonani, mame wangu ni vanathu ngu vava.

Marku 3:5

Ene a to rumaruma ngu maso, ngu kuhenya na a di pandisekile ngu mhaka ya kubanga ka timbilu tawe, se a txi gela m'thu wule a txi khene: “Nawuluta dianza dako.” Ene a to di nawuluta, se dianza dakwe di hanya.

Matewu 15:23

Aniko ene kha mu angula txilo. Vagondiswa va to ta kwakwe ve ta mkombela, va txi kha vona: “Mtshumete, nguko wa hi londetela, na a txi hi kulumela.”

2 Samuwele 19:22

Kambe Dhavhidha a to khene: I txani ni ku natxo ani ni nanu vanana va Zeruiya, kuza nyamsi mi ni wukela kani? Ina ku nafa m'thu nyamsi Israyeli kani? Ngu kutxani mi si tiziviko taku nyamsi ni vekilwe kuva mfumeli txitimwi ka Israyeli kani?

Levhi 19:17

U nga vengele wa ka kwanu mbiluni kwako; mkawuke ngako ti txi laveka, u si wi txionhoni ngu mhaka yakwe.

Titosi 1:13

Kunene wufakazi wuwa mbwa ditshuri. Ngu konaho, va kawuke ngu mtamo, kasiku ve tsana amu ka likholo,

Luka 9:55

Aniko ene a to tshembereka e va kawuka, a txi khene: “Kha mi wu zivi moya wu mi ku nawo. Nguko Mwanana wa M'thu kha tela ku ta lovisa vathu, aniko a tete ku ta va hulukisa.”

Luka 4:8

Jesu a mu xamute a txi khene: Khukha Sathani! “Ti bhatwe ti taku: ‘U na khozela Mkoma Txizimu txako, u txi thumela txona, dwe.’ ”

Jobe 2:10

Aniko ene a to khene: Mawombawombelo a wamsikati wa txiphukuphuku eyo u ma thumisako; hi na amukela wunene ngu ka Txizimu, hi si amukeli ta walo kani? Ka totshe tiya, Jobe kha onha ngu txisofu txakwe.

Matewu 16:23

Aniko ene a to tshembereka a txi khene ka Pedro: “Khukha hawa, Sathaniwe! Awe u txikhuvekiso kwangu, nguko khu pimisi ta Txizimu, kambe u pimisa ta vathu, dwe.”