Marku 8:24 - Bhiblia Yo Sawuleka

²⁴ Ku ti ngako a txi khata kuwona a to khene: “Na wona vathu, no va wona va txi nga mindonga yi tsimbilatsimbilako.”

Marku 8:24 Referans Kwoze

Isaya 32:3

Se maso a vale va wonako kha ma na mbi wona msana; ni tinzeve ta vale va engisako, ti na engisisa.

Isaya 29:18

Se ka ditshiku dile, maphanzeve ma napfa mapswi a dibhuku, ni mabhofu ma na thaviswa mphume me wona txidemani.

Valamuli 9:36

Ngako Gahali a di woni vathu vale, a to khene ka Zebhule: “Ndivale vathu va relelako ngu txitimwi ka mimango.” Sekoko Zebhule a to xamula, a txi khene: “Asi u si wonako nga vathu, mitsudi ya mimango.”

Marku 8:23

Ene a to mñola wu wa dibhofu ngu diwoko, e myisa hahanze ka mkhokhola, e mu thurela lure ka maso akwe e msanzeka manza, a txi mu wotisa a txi khene: “Wa wona txilo kani?”

Marku 8:25

Se a to engeta e sanzeka manza ka maso a dibhofu, se dona di to wona ta tinene, se di hanyiswa, di sikota kuwona sotshe kwati.