Marku 8:23 - Bhiblia Yo Sawuleka

²³ Ene a to mñola wu wa dibhofu ngu diwoko, e myisa hahanze ka mkhokhola, e mu thurela lure ka maso akwe e msanzeka manza, a txi mu wotisa a txi khene: “Wa wona txilo kani?”

Marku 8:23 Referans Kwoze

Marku 7:33

Ngako a di mu humisile hagari ka dibutho, a txi ya nayo phuho, a to wuleta titiho takwe tinzeveni ka diphanzeve, e thura lure, e mu gwesa lidimi ngu lona lure.

Marku 5:23

a txi mkombela ngu kukarateka a txi khene: “Mwanana wangu wa txihoranana a hafuhi ni kufa, ngono u ta msanzeka manza, a na kalamuka a txi hanya.”

Mithumo 9:8

Se Sawule a to khukha ngu hahatshi, e tula maso, kambe asi nga ngadi e wona. Va to mu ñoleta ngu diwoko ve mu wuleta Dhamasku.

Isaya 51:18

Ka votshe vanana vale u ngave navo, kuwalo ni wammweyo a ku kombako ditshuri; ni ka votshe vanana vale u nga va wunja, kuwalo ni wammweyo a mñolako ngu dianza.

Isaya 44:2

Mkoma wu a nga kuvanga, e kuwumba kukhukhela mndani, ni ti to a na kuvhuna, a khene: U nga thave awe Jakobe, txithumi txangu, ni nawe Jesurumi, awe ni nga kusawula.

Mtuletelo 3:18

Na kulaya ti to u ta xava kwangu nzalama yo tshuriswa ngu mndilo, kasiku u txi maha nyatithombe, u xava syambalo so basa, kasiku u ti fenengeta ti to ku si woneki tingana ta wusakato wako, ni mafura o tota maso ako, kasiku u wona.

Vahebheru 8:9

Kha txi na mbi fana ni txitumelelano txi ni nga txi maha ni vatate vawe, ka ditshiku di ni nga va ñola ngu diwoko, ni va humisa ditikoni ka Egipta. Nguko, vona kha va vekisa txitumelelano txangu; ngu toneto, kha na va khatalela, kuwomba Mkoma.

Jeremiya 31:32

Hi nga txitumelelano txo fana ni txi ni nga maha ni vatate vawe, ka ditshiku dile ni nga va ñola ngu dianza, kasi ku va humisa ngu ditikoni ka Egipta, se vona va txipisile txitumelelano txangu, hambiko ani ni ngadi va thembisile, kuwomba Mkoma.

Marku 8:24

Ku ti ngako a txi khata kuwona a to khene: “Na wona vathu, no va wona va txi nga mindonga yi tsimbilatsimbilako.”

Marku 8:26

Se ene a to mu tshumeta e tsula m'tini kwakwe, a txi khene: “U nga wulele mkhokholani.”

Mithumo 23:19

Mthangeli a to mñola ngu diwoko, eya nayo phuho, eya mu wotisa, a txi khene: “I mhaka muni u lavako ku ni gela kani?”