Marku 8:15 - Bhiblia Yo Sawuleka

¹⁵ Se e va laya a txi khene: “Ti woneleni, mi thava mtshumbelo wa Vafarisi ni mtshumbelo wa Herodha!”

Marku 8:15 Referans Kwoze

Matewu 16:6

Jesu a to va gela a txi khene: “Tulani maso, mi ti wonela ka mtshumbelo wa Vafarisi ni wa vasadhusi.”

Marku 12:13

Se va to rumela Vafarisi vokari ni va ka Herodha, ka Jesu kasi ku mu bzweta ngu mapswi.

Levhi 2:11

Mningelo wuhi ni wuhi wa sakudya, awu wu mahelwako Mkoma, wu nga ve wa simbwanda so tshumbelwa; kambe mi nga theleni mtshumbelo hambi wulombe, ka mningelo wuwa wo hiselwa Mkoma.

Mavingu 19:27

Ema kuengisa gondo mwanangu, ngako yi txi kuvayilelisa ka mapswi a wuzivi.

1 Timoti 6:13

Ani na kulaya, masoni ka Txizimu, txi ningako wutomi ka sotshe simaha, ni masoni ka Kristu Jesu, awu a nga fakaza masoni ka Ponsio Pilato ngu mafakazelo o tshura a kukholwa:

Matewu 14:1

Ka yoneyo mbimo, mfumeli Herodha, a di engisile nduma ya Jesu,

2 Timoti 2:14

Va alakanyise timhaka tiya, u txi ti fakaza masoni ka Txizimu, ti to kulaveka va si kanetisani ngu mapswi, nguko kuphikizana kha kuvhuni txilo, tsena kuthuma kutimeta ava va ti engisako.

1 Timoti 5:21

Na kulaya masoni ka Txizimu ni ka Jesu Kristu, kumweko ni ka tingelozi to sawuleka, ti to u veketa sileleto siya, u nga lamule ngu kuwona khohe ya m'thu, u nga mahe txilo ngu kulondisela wuxaka.

Luka 12:15

Se a txi khene kwawe: “Ti woneleni ta tinene ka hanyelo ya timbiti, nguko hambi m'thu a di taletwe ngu thomba, wutomi wakwe kha wu tsaniswi ngu si a ku naso.”

1 Makronika 28:20

Se Dhavhidha a to khene ka mwanakwe Solomoni: Tsana, u nga kanakane, maha mthumo; u nga thave, hambi kudhudhumela, nguko Mkoma Txizimu, Txizimu txangu, a na va ni nawe; kha na mbi ku leka, hambi ku ku divala, kala kuza u heta wotshe mthumo wo aka Nyumba ya Mkoma.

Matewu 14:3

Nguko Herodha a ti ñote Johani a txi mu sunga e mu khotela mkorani, ngu mhaka ya Herodhiya, msikati wa Filipi, mnanda wakwe.

Matewu 14:6

Ngu ditshiku da kutshanganisa malembe a kuvelekwa ka Herodha, mwanana wa muhorana wa Herodhiya a sinyile hagari ka vathu, e tsakisa Herodha.

Marku 8:14

Kambe vagondiswa va ti divate kuteka mapawu, va ti kova ni dipawu dimwedo ngalavani dwe.

Marku 8:16

Se vona va txi alakanyisana va txi kha vona: “Ene a womba tiya mwendo ngu kuwa hi ku si nga ni mapawu.”