Marku 8:12 - Bhiblia Yo Sawuleka

¹² Se e hefemuteka moyani kwakwe, a txi khene: “Liveleko liya, li kombelela txani txikombiso kani? Kha ditshuri na mi gela ku khani: Liveleko liya kha li na mbi ningwa txikombiso!”

Marku 8:12 Referans Kwoze

Marku 7:34

Se a to wona nzumani, a txi hefemuteka, a txi khene kwakwe: “Efata,” ati ti wombako ku “Tuleka!”

Matewu 16:4

Lixaka la tshofu ni la ku ambi thembeka ka Txizimu li kombela sidiwukiso, aniko kha li na mbi ningwa tximwani txidiwukiso, hahanze ka txikombiso txa mprofeti Jona.” Se a to va leka e ti tsulela.

Luka 19:41

Ngako a di hafuhi, a to wona didhoropa e di dilela.

Marku 9:19

Jesu a to xamula a txi khene: “Anu, liveleko la kwa mbi kholwa, ni na va ni nanu kala mbimo muni? Ni na timisela ngu nganu kala txikhati muni kani? Mu neheni kwangu.”

Marku 6:6

A to xamala ngu kuwona ti to vona kha va na likholo. Se a to tsimbilatsimbila a txi gondisa ka miti ya hafuhi.

Marku 3:5

Ene a to rumaruma ngu maso, ngu kuhenya na a di pandisekile ngu mhaka ya kubanga ka timbilu tawe, se a txi gela m'thu wule a txi khene: “Nawuluta dianza dako.” Ene a to di nawuluta, se dianza dakwe di hanya.

Isaya 53:3

A ti ti txhipiswa, kambe i ti ti wo nyenywa ngutu hagari ka vathu, m'thu wa mipando, wo ziva ngutu kuthuma, awule vathu va nga txi ti fenengeta tikhohe, a ti ti txhipiswa, kambe kha ha khatala ngu tona ni ka kudotho.

Matewu 12:38

Sekoko konaho vabhali vokari ni Vafarisi va to kha vona kwakwe: “M'gondisi, hi lava kuwona txikombiso txo mahwa ngu ngawe.”

Marku 8:13

Se e va leka, a txi engeta e wulela ngalavani, a txi ya mtxhatuko.