Marku 7:9 - Bhiblia Yo Sawuleka

⁹ Se a txi engeta a txi khene kwawe: “Mi eyisa mlayo wa Txizimu, kambe mi xayisa siheno sanu.

Marku 7:9 Referans Kwoze

Vagalatiya 2:21

Ani kha ni thavisi lisima la kateko ya Txizimu; nguko idiku ni mana wululami ngu mtamo wa Mlayo, lifo la Kristu li ndi nava la mahala.

Isaya 24:5

Kha ditshuri, mafu ma nyetilwe ngu vaaki va ona, nguko va ndaka milayo, ve txitxelela sileleto, kambe va funya txitumelelano txa kala kupinduka.

Isaya 29:13

Nguko Mkoma a ti khene: Vathu vava koko va tshuketa hafuhi ni nani, se va ni dhumisa ngu sisofu, aniko timbilu tawe ti kule ni nani, ni txithavo txawe kwangu, nja kulondeta milayo ya vathu dwe, ayi va nga gondiswa yona;

Marku 7:13

Ma eyisa dipswi da Txizimu ngu siheno sanu, si mi ninganako. Se mi maha simwani so tala so nga soneso.”

Marku 7:3

Kha ditshuri Vafarisi ni Vajudha votshe kha va dyi, va sa thanga ngu kusamba manza, nga tolovelo ya vakale vawe;

Masalmo 119:126

Mkoma, njikhati txako txa kuthuma; vona va nyenyile mlayo wako.

2 Vatesalonika 2:4

awu a kanetako ni kutiguleta txitimwi ka sotshe si si dhanwako ku i Txizimu, ni si si khozelwako, e za eya khalahatsha ngu wutumbu Dithepeleni ka Txizimu, a txi ti womba ku ene i Txizimu.

Varoma 3:31

Se ina ho fuvisa mlayo ngu mhaka ya kukholwa kani? Lambi! Aniko ho tsanisa mlayo.

Dhaniyeli 11:36

Se mfumeli wuwa a na maha madingano ni kuranda kwakwe, a na tiguleta, e tikulisa txitimwi ka sotshe sizimu; a na womba-womba wubihi ngu Txizimu txa sizimu, kambe a na humelela an'ze magwito ka kuhenya; nguko ti ti nga vekiswa ti na maheka.

Dhaniyeli 7:25

Se a na womba mapswi o wukela Nyatxitimwi, e hangalasa vasawuleki va Nyatxitimwi, kambe a na phemberusa timbimo ni milayo; vasawuleki va na ningelwa manzani kwakwe ngu mbimo yokari, ni timbimo, ni hafu ya mbimo.

Marku 7:5

Vafarisi ni vabhali va to mu wotisa va txi kha vona: “Njitxani vagondiswa vako va si londeteli siheno sa vakale, eko va dyako sakudya va si thangi ngu kusamba manza kani?”

2 Vakorinto 11:4

Nguko, ngako a txi ta m'thu kwanu, a txi ta womba-womba ngu Jesu, wo hambana ni wu hi nga mi txhumayela athu, mwendo Moya wo hambana ni wu mi nga wu amukela, mwendo Evhangeli yo hambana ni yi mi nga yi amukela, anu ma mu amukela ngu nzila yo xamalisa.

Vagalatiya 1:14

Amu ka txijudha ni ti va pala vavangi va tanga yangu, ni va lihunzu la ka kwathu, ditikoni kwathu, ngu kukhutalela ngutu milayo ya txikale ya vatate vathu.