Marku 7:5 - Bhiblia Yo Sawuleka

⁵ Vafarisi ni vabhali va to mu wotisa va txi kha vona: “Njitxani vagondiswa vako va si londeteli siheno sa vakale, eko va dyako sakudya va si thangi ngu kusamba manza kani?”

Marku 7:5 Referans Kwoze

2 Vatesalonika 3:6

Ha mi leleta, vanathu, ngu ditina da Mkoma Jesu Kristu, ti to mi txi hambana ni mwanathu wuhi ni wuhi asi londiseliko nzila ya mlayo, a hambanako ni tigondo ti hi nga mi ninga tona.

Mithumo 21:21

Se va ti engisile ti to awe wa gondisa Vajudha va va nga hangalaka hagari ka vamatiko ti to va na leke kulondetela Mlayo wa Mosi, u txi va gela ku khawe va nga swe ve yisa wukwerani vafana vawe, va si londeteli kambe mikhuwo yathu.

Vagalatiya 1:14

Amu ka txijudha ni ti va pala vavangi va tanga yangu, ni va lihunzu la ka kwathu, ditikoni kwathu, ngu kukhutalela ngutu milayo ya txikale ya vatate vathu.

Mithumo 21:24

Tsula navo, ti basise kumweko navo, u txi va hakelela asi si lavekako, kasiku ve yolwa misisi. Ngu toneto, votshe va na tiziva ti to mahungu awa va ma wombako ngu ngawe nga makuhu, ni ti to awe nawe kasi u mxayisi wa Mlayo.”

Matewu 15:2

“Vagondiswa vako va ndakela txani sihena sa vakale, kani? Nguko kha va sambi manza mbimo yi va dyako sakudya.”

Varoma 4:12

I tate wawe ni vona va va wukwera, na i si nga mhaka ya wukwera dwe, kambe ngu kuwa va tsimbilako ngu nzila ya kukholwa, ayi tate wathu Abrahamu a nga tsimbila ngu yona, ni mbimo yi a nga sinzi kuyiswa wukwerani.

2 Vatesalonika 3:11

Se hi ti pfite ti to hagari kwanu, ku ni vathu va hanyelo ya ku ti hunda, ava va ti ningetelako ka so mbi nyawula, va txi leka kuthuma.

Marku 7:8

Anu mi leka Mlayo wa Txizimu mi txi namarela ka siheno sa vathu.”

Marku 7:9

Se a txi engeta a txi khene kwawe: “Mi eyisa mlayo wa Txizimu, kambe mi xayisa siheno sanu.

Marku 7:13

Ma eyisa dipswi da Txizimu ngu siheno sanu, si mi ninganako. Se mi maha simwani so tala so nga soneso.”