Marku 7:34 - Bhiblia Yo Sawuleka

³⁴ Se a to wona nzumani, a txi hefemuteka, a txi khene kwakwe: “Efata,” ati ti wombako ku “Tuleka!”

Marku 7:34 Referans Kwoze

Johani 11:41

Ngu msana va to thavisa dirigwi da diyiva, se Jesu e gula maso akwe, e wona nzumani, a txi khene: “Tata, na ku bonga, nguko u ni engisile.

Marku 6:41

Jesu, ngako a di tekile mapawu a mtxhanu ni sihaka sa simbidi, a to gula maso e wona nzumani e si katekisa e bhandela mapawu e ninga vagondiswa vakwe, ti to vona va txi ma avela ka vathu. Ni sihaka sa simbidi kambe asi avete ka votshe.

Marku 5:41

Se a di mu ñote ngu diwoko a to womba a txi khene: “Talita kumi!” Ati ti wombako ku: “Txihoranana ni khani kwako, wuka!”

Mithumo 9:34

Se Pedro a txi khene kwakwe: “Eneyasi! Jesu Kristu wa kuhanyisa, wuka u txi peta ditaho dako.” Kunukunuko a to wuka.

Johani 11:33

Se mbimo yi Jesu a nga wona Mariya kudila, kumweko ni Vajudha, va nga txi mlondisa, va txi dila ni vona, a to pfa kupandiseka ka hombe moyani kwakwe e karateka, se e va wotisa,

Marku 15:34

Sekoko ngu txikhati txa wutxhanu ni mune, Jesu a to huwelela ngu dipswi da hombe, a txi khene: “Eloyi, Eloyi, lama sabaktani,” ati ti wombako ku: “Txizimu txangu, Txizimu txangu, u ni lekete txani?”

Marku 8:12

Se e hefemuteka moyani kwakwe, a txi khene: “Liveleko liya, li kombelela txani txikombiso kani? Kha ditshuri na mi gela ku khani: Liveleko liya kha li na mbi ningwa txikombiso!”

Mithumo 9:40

Se Pedro a to humisa hahanze votshe vathu vale, e khizama a txi khongela. Se a di rendekete txirumbi, a to khene: “Tabhita, wuka!” Ene a to tula maso e wonetela Pedro se e khalahatsha.

Johani 11:43

A di wombile tiya, a to kwangula ngu dipswi da hombe, a txi khene: “Lazaro, huma hahanze!”

Vahebheru 4:15

Nguko, Mphaxeli wathu wa Hombe, hi ku nayo, hi nga ene wo sindwa ku hi pfela wusiwana ka sionho sathu, nguko nene a dukilwe ka totshe tinzila, kufana ni nathu, kambe kha maha txionho.

Johani 17:1

Jesu ngako a di wombile timhaka tiya, a to gula maso a txi wona nzumani, a txi khene: “Tata, txi hokile txikhati. Dhumisa Mwanana wako, kufela kunene Mwanana wako e kudhumisa,

Johani 11:38

Jesu a to engeta kambe, e karateka mu mbiluni, se e tshuketela hafuhi ka diyiva. I ti diphala di nga ti fenengetilwe ngu dirigwi.

Johani 11:35

Jesu e dila.

Luka 19:41

Ngako a di hafuhi, a to wona didhoropa e di dilela.

Luka 18:42

Jesu a txi khene kwakwe: “Tshumela u wona! Likholo lako li ku hanyisile.”

Luka 7:14

Sekoko, a txi tshuketa hafuhi, a txi gwesa dibhokiso da txirumbi, se avale va nga ti txi rwala va to ema. Konako, Ene a to womba a txi khene: “Dijaha, ni khani: Wuka!”

Marku 1:41

Jesu, ngu kutalelwa ngu wumbilu a to nawuluta diwoko a txi m'gwesa, a txi khene kwakwe: “Na ti lava. Basiswa.”

Isaya 53:3

A ti ti txhipiswa, kambe i ti ti wo nyenywa ngutu hagari ka vathu, m'thu wa mipando, wo ziva ngutu kuthuma, awule vathu va nga txi ti fenengeta tikhohe, a ti ti txhipiswa, kambe kha ha khatala ngu tona ni ka kudotho.

Eksodha 2:23

Ku to maheka taku, msana ka masiku awa, a txifa mfumeli wa Egipta; vanana va ka Israyeli va to maneka va di kuxuphekani ka hombe, ngu mhaka ya wukhumbi wawe; va to dila, se huwa yawe yi to kwela yi txi hoka ka Txizimu.

Marku 7:35

Se tinzeve takwe ti to tuleka, ni misiha ya lidimi lakwe yi to thuseka, se e womba-womba ta tinene.