Marku 7:27 - Bhiblia Yo Sawuleka

²⁷ Kambe Jesu a ti khene kwakwe: “Leka vanana ve thanga vona ve dya ve khura, nguko kha ta tshura kuteka sakudya sa vanana, si rinzwa ka siwana.”

Marku 7:27 Referans Kwoze

Mithumo 22:21

Aniko ene a to ni gela ku khene: ‘Tsula, ni na kurumela ka vamatiko, aniya kule.’ ”

Matewu 10:5

Se Jesu a to va ruma vona va digumi ni vambidi, msana ka kuva a di va layile a txi khene: “Mi nga tsimbileni ngu tinzila ta vamatiko, hambi kuwulela madhoropani ka Vasamariya.

Matewu 7:6

“Mi nga thukeni mi ninga timbwa silo si si nga sawulwa, hambi kutshotsha tidhayimana tanu ka tikhumba, kasiku ti si ti kandeteli ngu mikondo, ti mi wukela, ti txi mi vhandamulela ngu makwasa.”

Vaefesu 2:12

alakanyani tito, ka yile mbimo, mi ti si lumbi Kristu, mi ti si nga ni fanelo ya kubalwa kumweko ni va ka Israyeli, mi ti maneka mi di vamatiko ka situmelelano ni sithembiso sa Txizimu ha mafuni.

Varoma 15:8

Na womba ti to Kristu a ti mahile mthumeli wa sithiva sa Vajudha, kasi kukombisa ditshuri da Txizimu ni kutsanisa sithembiso si si nga mahwa ka vatate vathu;

Marku 7:26

Wamsikati wuwa i ti Mugriki wa lixaka la Vasiro-Fenikiya. A to mkombela ti to e tovela didhimoni di huma kwakwe.

Marku 7:28

Ene a to khene ka Jesu: “Ina, Mkoma! Aniko hambi i di toneto, siwana ni sona sa dya maruru awa ma wiswako ngu vanana hahatshi ka meza.”