Marku 7:26 - Bhiblia Yo Sawuleka

²⁶ Wamsikati wuwa i ti Mugriki wa lixaka la Vasiro-Fenikiya. A to mkombela ti to e tovela didhimoni di huma kwakwe.

Marku 7:26 Referans Kwoze

Matewu 15:22

Se mmweyo wamsikati, wa mu Kanana, a nga ti tile ngu Kanana, a to kwangula a txi khene: “Mkoma Mwana Dhavhidha, ni pfele wusiwana. Mwanana wangu wa txihoranana wa xupheka ngutu ngu madhimoni.”

Isaya 49:12

Wonani, taku va nata ngu kule, wonani taku avale va wuphemba ni va mswa-ditambo, ni vale vamwani va ditikoni ka Sinimi.

Vakolosa 3:11

Konaho, kha ku nga ngadi ni Mugriki mwendo Mujudha, awu a nga ya wukwerani mwendo dikhutu, wa matiko, mwendo mukita, khumbi mwendo mthuseki, aniko ku na ni Kristu dwe, i ku sotshe ka votshe.

Vagalatiya 3:28

Kha kuswi ku di ni Mujudha mwendo Mugriki, kha ku na khumbi mwendo mthuseki, kha ku na wamwamna mwendo wamsikati, nguko motshenu mi vamwevo ngu ka Kristu Jesu.

Matewu 4:24

Sekoko nduma yakwe yi to pfala kotshelele Siriya. Ve va tisa kwakwe votshe va va nga ti lwala ngu mipando yihi ni yihi, ava va nga txi xaniswa ngu malwati ni simwani sikarato, va madhimoni ni va vo tshanuka, ni silima; se ene a txi va hanyisa votshe.

Marku 7:25

Nguko wamsikati, awuwa mwanana wakwe wa muhorana a nga ti wuleletwe ngu moya wa nzambwa, a ti engisile ti to waho, se a txi ta, e ta ti wisa minengeni kwakwe.

Marku 7:27

Kambe Jesu a ti khene kwakwe: “Leka vanana ve thanga vona ve dya ve khura, nguko kha ta tshura kuteka sakudya sa vanana, si rinzwa ka siwana.”