Marku 7:24 - Bhiblia Yo Sawuleka

²⁴ Ngako a txi khukha konaho, a to ya ditikoni ka Tiro ni Sidhoni. Se e ta wulela nyumbani kokari, na asi ti lavi kuziwa ngu m'thu, aniko a tandekile ku ti sisa.

Marku 7:24 Referans Kwoze

Matewu 11:21

“Dikhombo dako, Korazini! Dikhombo dako, Bhetsayidha! Nguko sidiwukiso si si nga mahwa kwanu, idiku si ti mahilwe madhoropani ka Tiro ni Sidhoni, nga va di kombile kale kuhunduluka kwawe, ngu kuambala masaka ni kutola dikhuma.

Ezekhiyele 28:2

Awe mwanana wa m'thu, gela mthangeli wa Tiro ku khawe: Mkoma Txizimu a khene: Nguko mbilu yako yi ti guletile u txi khawe: Ani ni Txizimu, ni khalahatshile ha txituluni ka Txizimu, hagari ka tinene (na u di m'thu, khu nga Txizimu), kambe u themba mbilu yako ku nga yova mbilu ya Txizimu;

1 Timoti 5:25

Kufana ni toneto, mithumo ya yinene ya ti wonekisa; hambi yile hi si yi woniko kha yi sikoti kuzumba kusisalani.

Matewu 9:28

Ngako a di hokile nyumbani, mabhofu ma to mu tshuketela. Se Jesu a txi khene kwawe: “Ma tumela ti to ni nga sikota kumaha eto kani?” Vona va txi kha vona kwakwe: “Ina, Mkoma!”

Genesisi 10:15

Se Kanana a velekile Sidhoni, matiwula akwe, ngu msana e veleka Heti,

Marku 2:1

Ku ti ngako ma di pindile masiku, Jesu a to tshumela e wulela Kapernawume, se ti txi pfala ti to ene a nyumbani.

Isaya 42:2

Kha na mbi dila, kha na mbi henya, hambi dipswi dakwe kha na mbi di pfalisa mitendelani.

Isaya 23:12

Se a txi khene: Khu na mbiswa u ndaka-ndaka kambe ngu kutsaka, awe muhorana wo tsindavetwa, mwana Sidhoni; khukha, tsula Kitimi, kambe hambi kona hale, khu na mbi mana kuhumula.

Genesisi 49:13

Zebhuloni a na aka ha likasani ka linene, i ku txithoni ka sitimela sa mati, se muhingano wakwe wu na gwitela Sidhoni.

Genesisi 10:19

Muhingano wa Vakanana wu ti tiya ngu Sidhoni, wu txi komba kuya Gerara, kala Gaza, ni Sodhoma, ni Gomora, ni Adhama, ni Zebhoyimi, kala kuya gwitela Lasa.

Marku 7:23

Wubihi wuwa wotshe wu huma ngu mndani, ngu wona wu bihisako m'thu.”

Marku 7:25

Nguko wamsikati, awuwa mwanana wakwe wa muhorana a nga ti wuleletwe ngu moya wa nzambwa, a ti engisile ti to waho, se a txi ta, e ta ti wisa minengeni kwakwe.

Marku 7:31

Ngako a txi engeta e khukha ditikoni ka Tiro, a to pinda ngu nzila ya Sidhoni, a txi ya lineneni ka Galileya, e tshawunyeta ditiko da Dhekapoli.