Marku 7:22 - Bhiblia Yo Sawuleka

²² wugango, kunavela ko biha, tshofu, kukanganyisa, ku ambi ti ñola, mabava, sisolo, kutikulisa, wukhwanda.

Marku 7:22 Referans Kwoze

Matewu 20:15

Ina kasi kha ni nga ni fanelo yo maha kuranda kwangu ngu si i ku sangu kani? Mwendo awe wo va u di ni diso do biha, ngu kuva ani ni di wamnene kani?’

1 Pedro 5:5

Nananu, vavaphya, ti vekeni hahatshi ka madhota. Ambalani moya wa kutiveka hahatshi, mmwani masoni ka mmwani; nguko, Txizimu txi nyenyana ni va va kutikulisa, kambe txi ninga makatekwa a txona ka vale va kutiveka hahatshi.

1 Pedro 2:15

Nguko, Txizimu txi lava kumalata wuphukuphuku ngu mithumo yanu ya yinene.

2 Vakorinto 10:5

ni wotshe mtamo wa kutikulisa wu wu lwako ni kuziva ka Txizimu. Ha khozisa mialakanyo yotshe yi txi maha ya kuengisa Kristu.

Matewu 6:23

Aniko, ngako diso dako di di bihile, wotshe mmidi wako wu na va mtemani. Ngu toneto, ngako liwoningo li li ku kwako i di txidema, txidema txa kona txi na va txo kulisa kutxani!”

Ekleziyaste 7:25

Ni to tshumela ni ningetetela mbilu yangu ka kuziva, ni kuxolisisa, ni kulava wutxhari, ni ditshuri, ni kuziva wuphukuphuku wa kubiha, ni ti to wuphukuphuku ngu xanga.

Mavingu 28:22

Awule a ku ni diso do biha, a tutumela tithomba, kambe kha ti zivi taku wusiwana wu nata kwakwe.

Mavingu 27:22

Hambi i diku wo sinza txiphukuphuku ngu dianza da mafaka, nga wu si khukhi wuphukuphuku wa txona.

Mavingu 24:9

Mapimo a txiphukuphuku nja kuonho dwe, kambe mtseketseli njinyenyeko ka vathu.

Mavingu 23:6

U ngadye sakudya sa wule a ku ni maso a wutona, hambi kunavela sakudya sakwe so tshamba ngutu.

Mavingu 22:15

Wuphukuphuku wu maneka mbiluni ka mfana, kambe ndonga yo tsayisa yi na wu tutumisa.

Mavingu 12:23

M'thu wu a ku ni wuzivi wa sisa wuzivi, aniko timbilu ta siphukuphuku ti nuwela wuphukuphuku.

Masalmo 10:4

Kutikulisani kwakwe m'thu wo biha kha khatali ngu Mkoma, a khene: “Txizimu kha txi mahi txilo ngu kuhenya ka txona.” Ene a pimisa tito; Txizimu kha txi nga ho.

2 Makronika 32:31

Vathangeli va Bhabhilona va to rumela mitumi ka Ezekhiya, kuya wotisa ngu timhaka ta txidiwukiso a txi txi nga maheka ditikoni, Txizimu txi to mleka ve m'duka, kasi ku txi ziva totshe ti tiku mbiluni kwakwe.

Dhewuteronome 28:56

Wamsikati wa kutithemba, awu i ku txivelekwa, kwanu, awu asi laviko ni kukanda hahatshi ngu mhaka ya wuvelekwa wakwe, a na wona ngu maso a kubonzolota wamwamna wu i ku txirandwa txakwe, kumweko ni mwanana wakwe wa dizambi ni wa dihorana.

Dhewuteronome 28:54

Hambi m'thu wo ti themba, awu i ku txivelekwa, hagari kwanu, a na wona ngu maso a kubonzolota mwanawe, ni msikati wule i ku txirandwa txakwe, ni vanana vakwe vale va nga sala va txi hanya;

Dhewuteronome 15:9

Ti wonele ti to ku si maneki mipimiso yo biha mbiluni kwako, u txi khata kuwomba u txi khawe: Da hoka dilembe da wutxhanu ni mambidi, dilembe da kudivalela sikweneti, se u txi wona mwanana wa txisiwana ngu maso o biha, u si mningi txilo; ene a na dila ka Mkoma ngu ngawe, se awe u na va ni txionho.

Masalmo 119:36

Ni ninge mbilu ya kuranda sileleto sako i si nga timbiti ta kuranda tithomba ta ha mafuni.

Isaya 59:7

Mikondo yawe yi tutumela wubihi, kambe va kuluvetela kuya theketa mnoha wo mbi na mnandu; mipimiso yawe mipimiso ya wubihi; kuhoxota ni kukhundumusela si tinzilani kwawe.

Isaya 59:13

hi nga hambukisa kutxani, hi hembela Mkoma, hi khukha ka Txizimu txathu, ni kuwombawomba to xanisa vamwani hi hundulukela kwako, makungo athu ni tile hi ti wombako, makuhu dwe.

Jeremiya 17:9

Se mbilu mkanganyisi kupinda sotshe silo, yi sinile; i mani a no yi ziva kani?

Marku 7:21

Kha ditshuri, mndani timbiluni ka vathu, kuhuma mialakanyo yo biha: Wugelegele, wukhamba, kudaya,

Marku 7:23

Wubihi wuwa wotshe wu huma ngu mndani, ngu wona wu bihisako m'thu.”