Marku 7:2 - Bhiblia Yo Sawuleka

² Se ngako va txi wona vagondiswa vokari va Jesu, na va txi dya sakudya ngu manza a nzambwa, ti ti wombako ku va sa thanga ngu kusamba manza, va to sola.

Marku 7:2 Referans Kwoze

Mithumo 10:28

Se a txi khene kwawe: “Ma tiziva ti to ta yila ngutu ka Mujudha kutshangana ni vamatiko hambi ku va endela. Kambe Txizimu txi ni kombisile ti to ni si thuki ni womba ku m'thu wa yila, hambi ku ana ni nzambwa.

Varoma 14:14

Na tiziva ni va ni kholwa ngu ka Mkoma Jesu, ti to kha ku nga ni txilo txi txi nga mbi basa ngu wutumbu wa txona; ngako m'thu a txi alakanya ku tximaha txokari txi nyenyezile: Kwakwe kha txa basa.

Mithumo 11:8

Se ani ni ti khani: ‘Ahim-him, Mkoma. Nguko txima kha kuzivi kuwulela txilo txo yila mwendo txo mbi basa mkanani kwangu!’

Matewu 15:2

“Vagondiswa vako va ndakela txani sihena sa vakale, kani? Nguko kha va sambi manza mbimo yi va dyako sakudya.”

Marku 7:5

Vafarisi ni vabhali va to mu wotisa va txi kha vona: “Njitxani vagondiswa vako va si londeteli siheno sa vakale, eko va dyako sakudya va si thangi ngu kusamba manza kani?”

Luka 11:38

Kambe mfarisi a to xamala ngako a txi wona ti to Jesu kha thanga ngu kusamba, a sanzi kudya.

Vahebheru 10:29

Se, ngu toneto, mi alakanya txani ngu txitsayiso txa hombe, atxi a no txi mana wule a nga kanyisa Mwanana wa Txizimu, asi khatali txilo ngu mnoha wa txitumelelano, awu a nga sawulekiswa ngu wona, se a txi tshumela e ruketela Moya wa makatekwa, kani?

Mtuletelo 21:27

Ka dona kha ku na mbi thuka ku txi wulela ni txihi txilo txa nzambwa, hambi va va mahako to nyenyeza ni vamakuhu. Va na wulela dwe avale va nga bhalwa dibhukuni ka wutomi wa Txinvutana.