Marku 7:15 - Bhiblia Yo Sawuleka

¹⁵ Ku walo txilo txi tako ngu hahanze ka m'thu, txi wulelako mndani kwakwe, txi sikotako ku mu bihisa; aniko asi si humako ngu mndani kwakwe ngu sona si mu bihisako.

Marku 7:15 Referans Kwoze

Mavingu 4:23

Txitimwi ka sotshe si si dinganako kuxayiswa, xayisa mbilu yako, nguko tita ngu ka yona tinzila ta wutomi.

Titosi 1:15

Ka vava va nga basa timbilu, sotshe si basile, aniko ka vava va nga mbi basa, kuwalo txo basa: Mapimo ni livhalo lawe si onhekile.

Vahebheru 13:9

Mi nga tumeleni kukanganyiswa ngu tigondo to mbi zivaneka. Nguko, ti ni lisima ngako mbilu yi txi tsaniswa ngu kateko kupinda sakudya, asi si si vhuniko txilo ka vale va namarelako ka sona.

Vahebheru 9:10

Nguko, va phaxa ngu sakudya ni sakusela ni ku ti sambisa ka tinzila to tala dwe. Asiya nziheno sa vathu si nga thuma kala ditshiku da kuhindulwa ka sotshe.

Matewu 12:34

Lixaka la timamba, mi nga sikotisa kutxani kuwomba ditshuri, na mi di vabihi kani? Nguko txisofu txi womba-womba ti ti nga tala mbiluni.

Varoma 14:17

Nguko Mfumo wa Txizimu hi nga kudya ni kusela; aniko ngu kululama, ni kudikha, ni kutsaka ngu ka Moya wo Sawuleka.

1 Vakorinto 10:25

Dyanani sotshe si va xavisako bhazara, mi si wotisi txilo ngu mhaka ya livhalo.

Mithumo 10:28

Se a txi khene kwawe: “Ma tiziva ti to ta yila ngutu ka Mujudha kutshangana ni vamatiko hambi ku va endela. Kambe Txizimu txi ni kombisile ti to ni si thuki ni womba ku m'thu wa yila, hambi ku ana ni nzambwa.

Matewu 15:16

Aniko Jesu a to khene: “Kasi na nanu mi ngadi mi pwata kupima kani?

Marku 7:14

Ngu msana a to engeta a txi ramba dibutho da vathu a txi va gela a txi khene: “Ni engiseni motshenu, mi txi engisisa.

Marku 7:16

[Awu a ku ni tinzeve ta kuengisa a na engise.”]