Marku 6:9 - Bhiblia Yo Sawuleka

⁹ Aniko va na ambale masandazi mikondoni kwawe, kambe va si teki mabhaji mambidi.

Marku 6:9 Referans Kwoze

Mithumo 12:8

Ngelozi yi to m'gela, yi txi kha yona: “Ti sunge libhande txiwununi, u txi ambala masandazi ako.” Se ene a to maha toneto. Ngelozi yi to engeta yi txi kha yona: “Fenengela nguwo yako, u txi ni londisa.”

Vaefesu 6:15

Mi txi ambala tikathula mikondoni kwanu, kasi kuya txhumayela Evhangeli ya kudikha.

Matewu 3:11

Ani ni bhabhatisa ngu mati kasiku mi sikota kutilaya, kambe awule a tako msana kwangu, ana ni mtamo kupinda ani, se ani kha ni nga ni fanelo yo ñola hambi tikathula takwe. Ene a na mi bhabhatisa ngu Moya wo Sawuleka ni mndilo.

Matewu 10:10

hambi kuva ni mkwama wa nzila, hambi mabhaji mambidi, hambi masandazi, hambi ndonga; nguko txithumi txi fanetwe ngu muholo wa txona.”

Marku 6:8

A txi va leleta ti to va si longi txilo txa nzila, hahanze ka ndonga dwe, hambi mbuva, hambi msava, hambi male ya kusungelelwa txiwununi.

Marku 6:10

A txi va gela ku khene: “Ka nyumba yihi ni yihi mi no wulela, zumbani koneho, kala kuza mi huma.