Marku 6:6 - Bhiblia Yo Sawuleka

⁶ A to xamala ngu kuwona ti to vona kha va na likholo. Se a to tsimbilatsimbila a txi gondisa ka miti ya hafuhi.

Marku 6:6 Referans Kwoze

Matewu 9:35

Jesu a txi tsimbilatsimbila sidhoropanani ni mikhokholani, a txi gondisa masinagogani, e txhumayela Evhangeli ya Mfumo, ni kuhanyisa vathu ka otshe malwati ni ka totshe tixaka ta mipando.

Matewu 8:10

Ngako Jesu a di pfite tiya, a to xamala, a txi khene ka vava va nga txi mu londisa: “Kha dithuri, na mi gela, ni khani: Kha na mana likholo la hombe lo nga liya, hambi hagari ka va ka Israyeli.

Luka 13:22

Jesu a ti tsimbila madhoropani ni mu mitini, a txi gondisa, a txi ya Jerusalema.

Mithumo 10:38

ti to Txizimu txi totile ngu Moya wo Sawuleka ni kutsanisa Jesu wa Nazareta; awu a nga tsimbila a txi maha ta tinene, e hanyisa votshe vale va nga ti xaniswa ngu Sathani, nguko Txizimu txi ti ni nene.

Isaya 59:16

Se a to wona ti to, kha ku nga ni wammweyo, se e tsaka nguko ku si nga ni muemeli; se diwoko dakwe dipune di mtisete kuhuluka, ni kululama kwakwe kupune ku mxayisile.

Johani 9:30

Se mu'thu wule a to ti angulela a txi khene: “Ta xamalisa ngutu kha ditshuri tito, anu kha mi m'zivi emo a tako ngu kona, na kasi ngene a nga ni tula maso.

Matewu 4:23

Msana keto, a to khata kutsimbila ka dotshe ditiko da Galileya, a txi gondisa masinagogani, e txhumayela mahungu a maphya a Mfumo, na a txi hanyisa vathu ka otshe malwati ni ka yotshe mipando.

Jeremiya 2:11

Di ngava di diho ditiko di di nga hundulusa sizimu sa dona, hambiko i singako sizimu kani? Aniko vathu va vangu va lekile wudhumo wawe, ve khozela sisi si vhuniko txilo.

Luka 4:44

Se a txi gondisa masinagogani ka Judheya.

Luka 4:31

Se a to kwitima eya Kapernawume, didhoropa da Galileya, se e gondisa vathu ngu masiku a Sabbata.

Marku 1:39

Ene a to tsimbila ngu dotshe da Galileya, a txi txhumayela masinagogani, a txi tovela madhimoni.

Marku 10:1

Jesu ku ti ngako a di khukhile koneho, eya ditikoni ka Judheya, mtxhatuko ka Jordhani, vathu vavangi va to ta sengeletana kwakwe.