Marku 6:56 - Bhiblia Yo Sawuleka

⁵⁶ Kambe kotshe hawa a wulelako kona, mikhokholani ni madhoropani mwendo mu tithembweni, va ti ti veka va va lwalako, mitendelani, se ve mkombela ti to e va tumelela kugwesa, hambi i di wuziva wa nguwo yakwe. Se votshe va va nga txi mu gwesa, va ti hanyiswa.

Marku 6:56 Referans Kwoze

Matewu 9:20

Sekoko, mmweyo wamsikati a nga ti xupheka ngu malwati a lingolengole, ngu txipimo txa digumi da malembe ni mambidi, a to mtshuketela ngu msana, e gwesa wuziva wa nguwo yakwe.

Luka 6:19

Dibutho dotshe di ti lava ku mu gwesa, nguko mtamo wu ti huma ngu kwakwe, wu txi va hanyisa votshe.

Marku 3:10

Nguko a di hanyisile vathu votala, votshe va va nga ti ni wulwati, va ti ti rinza kwakwe, kufela ku mu gwesa.

Mithumo 5:15

Ahawa va nga txi tisa valwali ve ta va veka tinzilani, va di va otelisile ha matahoni ni ha madhandoni, kasiku Pedro, mbimo yi a pindako, a na fenengeta vamwani ka vona hambi ngu mtsudi wakwe.

Mithumo 4:12

Ku walo mmwani a sikotako kuhanyisa, kha di nga ho dimwani ditina, hahatshi ka nzuma, adiya vathu va nga ningwa, kasiku va txi hanyiswa ngu dona.”

Mithumo 4:9

Nga kuwa nyamsi hi wotiswako ngu mhaka ya kuhanyisa m'thu wa txilima, ti to a hanyisilwe ngu mtamo wa mani,

Luka 22:51

Kambe Jesu a to khene: “Basi! Lekani!” Se a to gwesa nzeve, e mu hanyisa.

Luka 8:44

A to tshuketela Jesu ngu msana, e gwesa wuziva wa nguwo yakwe, se wulwati wakwe wu ema konako.

2 Vafumeli 13:21

Ku to maheka ti to va txi tshotsha wamwamna wokari, va to wona sigevenga, se ve rinza wamwamna wule diphalani ka Elixa, se a to ya wa e peka marambu ya Elixa, a to wuka e ema ngu minenge yakwe.

Dhewuteronome 22:12

U na maha makhatxa, u ma rungela ka mune wa titshulu ta didhamba dile u fenengelako.

Mitengo 15:37

Se Mkoma a wombile ka Mosi a txi khene:

Matewu 14:36

Se va txi mkombela ti to e va tumelela kugwesa hambi tshoka ya nguwo yakwe dwe; se votshe va va nga m'gwesa, va to hanyiswa.

Marku 6:55

Va to tsimbila ka dotshe ditiko dile ve khata kurwalela valwali ngu mataho awe ve va yisa hayi ni hayi va engisako ti to Jesu waho.