Marku 6:41 - Bhiblia Yo Sawuleka

⁴¹ Jesu, ngako a di tekile mapawu a mtxhanu ni sihaka sa simbidi, a to gula maso e wona nzumani e si katekisa e bhandela mapawu e ninga vagondiswa vakwe, ti to vona va txi ma avela ka vathu. Ni sihaka sa simbidi kambe asi avete ka votshe.

Marku 6:41 Referans Kwoze

Matewu 14:19

Ngu msana keto, a to gela vathu ti to ve khalahatshela ha mwasini. Se e teka mapawu ale a mtxhanu, ni sihaka simbidi, e guleta maso a txi wona nzumani, e si katekisa, a txi si bhandelela, ngu msana e si ningela ka vagondiswa, se vagondiswa ve si abanisela ka vathu.

Marku 7:34

Se a to wona nzumani, a txi hefemuteka, a txi khene kwakwe: “Efata,” ati ti wombako ku “Tuleka!”

Luka 24:30

Se a di khalahatshile navo ha mezani, a to teka dipawu, e di katekisa, se ngu msana e di bhanda, e va ninga.

Luka 9:16

Jesu a to teka mapawu a mtxhanu ni sihaka sile sa simbidi, a txi gula maso a txi wona nzumani, a txi si katekisa, a txi si bhandelela, a txi si ningela ka vagondiswa, kasiku vona ve phakela dibutho;

1 Samuwele 9:13

Ngako anu mi txi wulela didhoropani, mi na ya mmana a sanzi ku kwelela ka wukhalo wo guleka kuya dya; nguko vathu kha va na mbi dya an'ze atxi bwaka, nguko ngene a katekisako mhamba, se msana keto, avale vo rambwa va na dya. Kwelelani koko konkuwa, nyamsi mi na mmana.

1 Vakorinto 10:31

Ngu toneto, mwendo ma dya, mwendo ma sela, mwendo mi thuma tihi ni tihi, ti maheni ngu moya wa kudhumisa Txizimu.

Johani 17:1

Jesu ngako a di wombile timhaka tiya, a to gula maso a txi wona nzumani, a txi khene: “Tata, txi hokile txikhati. Dhumisa Mwanana wako, kufela kunene Mwanana wako e kudhumisa,

Johani 11:41

Ngu msana va to thavisa dirigwi da diyiva, se Jesu e gula maso akwe, e wona nzumani, a txi khene: “Tata, na ku bonga, nguko u ni engisile.

Marku 14:22

Mbimo yi va nga ti ha sakudyani, ene a to teka dipawu, a txi di katekisa, a txi di bhanda, a txi va ninga, a txi khene: “Tekani, asiya mmidi wangu.”

Vakolosa 3:17

Ani totshe ti mi ti mahako ngu mapswi ni mithumo, ti maheni ngu ditina da Mkoma Jesu, na mi txi bonga ngu ngene ka Txizimu Tate.

Varoma 14:6

Awu a ti sawulelako ditshiku dokari, a di sawulela Mkoma. Awu a dyako sotshe, a dya ngu mhaka ya Mkoma, nguko a bonga Txizimu. Nene wu asi dyiko sotshe, kha si dyi ngu mhaka ya Mkoma, nene a bonga Txizimu ngu sona.

Johani 6:23

Hambi keto, timwani tingalava, ta kuta ngu Tibheriyadhe, ti ti hokile hafuhi ni hawa va nga dyela kona mapawu, ngako Mkoma a di bongile.

Johani 6:11

Ti di ngeto, Jesu a to teka mapawu, se a di gwitile kubonga, a to ma avela ka vale va nga ti khalahatshile, a txi avelisa toneto ni sona sihaka. Va dyite nga ti va nga txi ti lavisa tona.

Matewu 26:26

Va di ngadi va txi dya, Jesu a to teka dipawu a txi di katekisa, a txi di bhanda, a txi di ningela ka vagondiswa vakwe, a txi khene: “Tekani mi txi dya, asiya mmidi wangu.”

Matewu 15:36

Ngako a di tekile mapawu yale ya mtxhanu ni mabidi ni sihaka sa kona, a to bonga a txi si bhandelela, a txi si ningela ka vagondiswa, se vona va to avela dibutho.

Dhewuteronome 8:10

U na ya mana sotshe, u txi dya u txi khura, kambe u na ya bonga Mkoma, Txizimu txako, ngu mhaka ya ditiko di da dinene a nga kuninga.

Mithumo 27:35

Ngako a di wombile tiya, a to teka dipawu e bonga Txizimu masoni ka votshe, e di bhanda e khata kudya.

Marku 6:40

Vona va to khalahatshela ngu mitxawa ya dizana, ni ya mtxhanu wa magumi.

Marku 6:42

Votshe va to dya va txi khura.

Marku 8:19

mbimo yile ni nga bhandela mtxhanu wa mapawu ni avela ka 5.000 wa vathu, ti to nzirundu singani mi nga tata ngu sikhwemu si mi nga rolela kani?” Va to xamula va txi kha vona kwakwe: “Digumi ni simbidi.”