Marku 6:3 - Bhiblia Yo Sawuleka

³ Ina hi nga ene wuwa m'vati, mwanana wa Mariya, mwanawe Jakobe, ni Josi, ni Judha, ni Simoni, kani? Ina tindiyakwe kha ti nga ho hagari kwathu kani?” Se ve khuveka ngu ngene.

Marku 6:3 Referans Kwoze

Matewu 12:46

Mbimo yi ene a nga ti womba-womba ka dibutho, mame wakwe Jesu ni vanawe va to ema ngu hahanze, va txi lava kuwombawomba nayo.

Johani 6:42

Vona va ti ti kha vona: “Ina hi nga Jesu wuwa, mwana Josefa, awu hi zivako tate wakwe ni mame wakwe kani? Ngu kutxani koko a txi khene: Ni txhikile ngu nzumani kani?”

Judha 1:1

Judha, txithumi txa Jesu Kristu, mwanawe Jakobe, ka vale va nga dhanwa, va randekako ka Txizimu Tate, ni kuveketwa ngu Jesu Kristu:

Vagalatiya 1:19

Kha na wonana ni mmwani mpostoli, hahanze ka Jakobe mwanawe Mkoma.

Matewu 11:6

Se a katekile wule a no mbi mana txikhuvekiso kwangu.”

Mithumo 1:13

Ku ti ngako va di hokile konaho, va to kwela veya ka nyumba yi ya txitimwi, ahawa ku nga ti zumba Pedro, ni Johani, ni Jakobe, ni Andreya, ni Filipi, ni Tomasi, ni Bhartolomewu, ni Matewu, ni Jakobe mwana Alfewu, ni Simoni Muzelote, ni Judha mwana Jakobe.

Marku 15:40

Va ti ti ho kambe vavasikati va nga txi wonetela va di kule; hagari ka vona a ti ti ho Mariya wa Magdhala ni Mariya, mame wa Jakobe wam'dotho, ni Joseti ni Salome.

1 Vakorinto 1:23

Aniko athu hi txhumayela timhaka ta Kristu, awu a nga bethelwa ha txihambanoni, awu i ku txikhuvekiso ka Vajudha, a mahwako txipumbu ngu vamatiko;

Johani 14:22

Judha (i si nga ene Iskariyoti), a to khene: “Mkoma, ti na mahisa kutxani kutiwonekisa kwathu, u si ti wonekisi ka ditiko, kani?”

Luka 7:23

Kambe a katekile awu a no mbi mana txikhuvekiso ngu mhaka yangu.”

Luka 2:34

Se Simiyoni a to va katekisa, na a txi womba ka Mariya, mame wa mwanana, a txi khene: “Mwanana wuwa a emisetwe ku na wisa ni kuwusa vavangi ka nyumba ya Israyeli, a na va kambe i di txikombiso txi txi no kanetwa;

Isaya 49:7

Mkoma a womba tiya, Mtiruli wa Israyeli, Msawuleki wakwe, ka dihika do eyiswa, do yenywa ngu matiko, ka txithumi txa vale va fumako: Vafumeli va na mu wona va txi khukha, ve ema; vathangeli va na nama masoni kwako, ngu lirando la Mkoma, i ku wo thembeka, ni Msawuleki wa ka Israyeli, a nga kusawula.

1 Pedro 2:4

Ngonani hafuhi ka Mkoma, i ku dirigwi do hanya, adi di nga nyenywa ngu vathu, aniko i ku da kusawulwa ni kudhundeka masoni ka Txizimu.

1 Vakorinto 9:4

Ina athu kha hi nga ni fanelo ya kudya ni kusela kani?

Marku 3:18

ni Andreya, ni Filipi, ni Bhartolomewu, ni Matewu, ni Tomasi, ni Jakobe mwana Alfewu, ni Tadhewu, ni Simoni Mukanana,

Mithumo 12:17

Kambe ene a to maha txikombiso ngu diwoko, kasiku ve malala; msana keto, a to va txhamusela ati Mkoma a nga m'humisisa tona ngu mkorani, e engeta, a txi khene: “Zivisani Jakobe ni vanathu timhaketo.” Se a to huma e tsula ka wumwani wukhalo.

Luka 8:20

Se va to mu zivisa va txi kha vona: “Mame wako ni vananu va emile hahanze, va lava ku kuwona.”