Marku 6:29 - Bhiblia Yo Sawuleka

²⁹ Se vagondiswa va Johani, ngako va di ti zivile, va to ya teka txirumbi txakwe, veya txi tshotsha diyivani.

Marku 6:29 Referans Kwoze

Matewu 14:12

Vagondiswa va Johani va tile va ta teka txirumbi txakwe va txi ya kelela, se ve tsula va txi ya zivisa Jesu.

2 Makronika 24:16

Se va to mtshotsha Didhoropani ka Dhavhidha, kumweko ni vafumeli vamwani, nguko a ti ti mahile to lulama masoni ka va ka Israyeli, ni ka Txizimu, ni ka nyumba ya txona.

Mithumo 8:2

Se vavamna vokari va vakhongeli va to kelela Sitefani, ve maha madila a hombe a kusaluka ene.

Marku 6:28

Se nduna yiya yi to tsula yi ya wila msungo wa Johani mkorani, yi txi neha msungo wakwe mbiyani, yi txi wu ningela ka txihoranana; se txona txi wu ningela ka mame wa txona.

Marku 6:30

Se vapostoli va to ya tshangana masoni ka Jesu, va txi mu xawutela totshe ti va nga thuma ni ti va nga gondisa.