Marku 6:25 - Bhiblia Yo Sawuleka

²⁵ Konako a to tshumela ngu kukuluveta, a txi ta ka mfumeli, a txi ta kombela a txi khene: “Ni randa ku u txi ni ninga konakuwa, mbiyani muwa, msungo wa Johani Mubhabhatisi.”

Marku 6:25 Referans Kwoze

Varoma 3:15

Minenge yawe yi ni livilo kuyela kuya theketa mnoha;

Mavingu 1:16

Nguko minenge yawe yi tutumela to biha, kambe va kuluveta kutheketa mnoha.

Mitengo 7:13

Se mningelo wakwe i ti ti wa mbiya ya silivhela, ya kunemela ka 130 wa maxekele, ni mbiya ya silivhela, ni mtxhanu wa magumi ni magumi mambidi a maxekele, madingano ni maxekele a wukhalo wo sawuleka; ka totshe timbiya tatimbidi, ti di tate ngu mpupu wo kanyangelwa ni mtona, kasi kumana mningelo wa sakudya;

Matewu 3:1

Ka ale masiku, ku humelete Johani M'bhabhatisi e txhumayela txiwulani ka Judheya,

Matewu 14:8

Se ene, ngu kukujetelwa ngu mame wakwe, a to khene: “Ni ninge kona hawa, amu ka mbiya, msungo wa Johani Mubhabhatisi.”

Marku 6:24

Se awu wa txihoranana a to huma, a txi ya khene ka mame wakwe: “Ni na kombela txani kani?” Ene a to xamula a txi khene: “Kombela msungo wa Johani Mubhabhatisi.”

Marku 6:26

Mfumeli a to karateka ngutu, kambe e tandeka ku mu lambela ngu mhaka ya kuxambanya kwakwe, ni mhaka ya va a nga ti zumbile navo ha sakudyani.