Marku 6:23 - Bhiblia Yo Sawuleka

²³ A to xambanya a txi khene: “Atxi u no kombela txona, ni na kuninga, hambi i di ku kubhandela mfumo wangu ngu hagari.”

Marku 6:23 Referans Kwoze

Esteri 7:2

ngu ditshiku da wumbidi da m'buso wa vhinya, mfumeli a to khene ka Esteri: Ngu txihi txikombelo txako awe Esteri kani? Se u na ningwa. Ni ku ngu kuhi kuvilela kwako kani? Hambi hafu ya mfumo u na ningwa.

Esteri 5:3

Sekoko mfumeli a to khene kwakwe: Njintxani u ku natxo awe msikati wangu Esteri, niku mwendo njikombelo muni u ku natxo kani? Hambi hafu ya mfumo ni na kuninga.

Esteri 5:6

mfumeli a to khene ka Esteri, m'busoni ka vhinya: Ngu txihi txikombelo txako kani? Se ni na kuninga. Ngu kuhi kuvilela kwako kani? Ni na kuninga, hambi i di hafu ya mfumo.

Matewu 4:9

a txi mu gela tiya: “Ni na kuninga sotshe siya, ngako u txi khizama u ni khozela.”

Matewu 14:7

Ngu toneto, ene a to mu thembisa, ngu kuxambanya, ti to a na mninga ni txihi txi a no kombela.

Mavingu 6:2

u tandeka ka mapswi a txisofu txako, tile u nga thembisa ngu mapswi a txisofu txako.

2 Vafumeli 6:31

Se mfumeli a to peka huwa na a txi khene: Txizimu txi na ni daye, ngako di txiza diswa ni si se wila msungo wa Elixa, mwana Sefate!

1 Samuwele 28:10

Sekoko Sawule a to xambanya ngu Mkoma, a txi khene: Ni xambanya ngu Mkoma a hanyako, taku kha ku na mbi va ni phango kwako ngu mhakeyo.

Marku 6:24

Se awu wa txihoranana a to huma, a txi ya khene ka mame wakwe: “Ni na kombela txani kani?” Ene a to xamula a txi khene: “Kombela msungo wa Johani Mubhabhatisi.”