Marku 6:20 - Bhiblia Yo Sawuleka

²⁰ Nguko Herodha a ti thava Johani, ngu kuziva ti to ene i m'thu wo lulama ni wo sawuleka, kambe a ti ti mu vhikela. Mbimo yi a nga txi mu engisa, a ti thelwa mphume, aniko a ti mu engisa ngu kutsaka.

Marku 6:20 Referans Kwoze

Matewu 21:26

Se hi txi angula ti to khathu: ‘Wu ta ngu ka vathu’ hi thava kuwukelwa ngu dibutho, nguko votshe va kholwa ti to Johani i mprofeti.”

Matewu 14:5

Se a ti lava nzila ya ku m'daya, aniko e thava vathu, nguko vona va ti ti kha vona i mprofeti.

Johani 5:35

Johani i ti liwoningo li li turako, li woningako. Se anu mi randile kutsakela kuwoninga kwakwe ngu mbimoanyana.

Marku 11:18

Kambe vaphaxeli va hombe ni vabhali, ngako ve mu pfa na a txi womba tiya, va to lava marindi ya tiya va no m'dayisa tona, kambe va to mu thava, nguko dibutho dotshe di ti xamala ngu kugondisa kwakwe.

Marku 4:16

Ngu toneto, timbewu ti ti nga phaywa marigwini ngu vale va ku, ngako va di di pfite dipswi, ve kuluveta ku di amukela ngu kutsaka.

Dhaniyeli 5:17

Sekoko Dhaniyeli a to xamula masoni ka mfumeli, a txi khene: Siningo sako, zumba naso, aniko ninga mmwani siningo eso sako; Hambi keto, na kugondela mibhalo, awe mfumeli, ni kugela ni txhamuselo ya kona.

Dhaniyeli 4:27

Sekoko awe mfumeli, tumela wudhota wangu, u thavisa sionho sako ngu kumaha kululama, ni wubihi wako, ngu ku mahela wumbilu sisiwana, mwendo kukateka kwako ku ngaya masoni.

Dhaniyeli 4:18

Eto ni ti woni ngu mloro ani mfumeli Nebhukodhonosori; awe koko, Bheltexazari, ni gele txhamuselo ya kona, nguko totshe titxhari ta ditikoni kwangu ti tandekile ku ni txhamusela, aniko awe wa sikota, nguko moya wa sizimu so sawuleka wuho kwako.

Ezekhiyele 33:32

Se wona taku, kwawe u fana ni ndando ya lirando, ndando ya wule a ku ni dipswi do pfisiseka, a tshambiselako di txi kugwesa; nguko wa mapfa mapswi ako, aniko kha ma thumi ta txilo.

2 Makronika 26:5

Nguko a ti karatile ngu kulava Mkoma, ka masiku a Zakariya txizivi txa siwoniso sa Txizimu; ka masiku otshe ale a nga lava Mkoma, Txizimu txi to mkatekisa.

2 Makronika 24:2

Se Jowasi a to maha kululama masoni ka Mkoma, otshe masiku a mphaxeli Joyadha.

2 Vafumeli 13:14

Se Elixa a lwate ngu wu lwati wule a nga za a txi fa ngu wona; se Jehowasi mfumeli wa Israyeli a to tsula eya mxola, a to dila khoheni kwakwe, a txi khene: Tata wangu, tata wangu, sikotxikani sa Israyeli ni vagadhi va mahantxhi a kona.

2 Vafumeli 6:21

Se mbimo yile a nga va wona mfumeli wa ka Israyeli, a to khene ka Elizewu: Ni va dayela, ni va dayela, kani tata?

1 Vafumeli 21:20

Se Akabe a to khene ka Elija: Se u ni mani awe mlala wangu kani? Se Elija a to khene: Ni ku mani; nguko se u ti xavisile, ngu kumaha to biha masoni ka Mkoma.

Eksodha 11:3

Mkoma a mahile ti to vathu vakwe va txi mana makatekwa, ditikoni ka Vaegipta, masoni ka mahalamu a Faro ni masoni ka vathu votshe.

Mithumo 2:12

Votshe va to dhuka ve tshumela ve xamala, ve wotisana, va txi kha vona: “Ti womba txani tiya kani?”

Mithumo 5:24

Sekoko mthangeli wa vawoneleti va Dithepele ni vaphaxeli va hombe, ngako va txi pfa mahungu awa, va to dhuka ngu ona, va txi kha vona: “Mhaka yiya yi na gumela hani?”