Marku 6:14 - Bhiblia Yo Sawuleka

¹⁴ Ku ti ngako mfumeli Herodha a di pfite timhaka ta Jesu, nguko ditina dakwe di ti ni nduma ngutu, a to khene: “I Johani Mubhabhatisi a nga wuka ngu ka vakufa, ngu konaho mitamo yi thuma ngu ngene.”

Marku 6:14 Referans Kwoze

1 Vatesalonika 1:8

Kha ditshuri, Dipswi da Txizimu, di di nga engiswa di txi khukhela kwanu, kha da engiswa dwe ngu Vamakedhoniya ni va Akaya, aniko likholo lanu ka Txizimu li tshanganisile otshe makhalo; se ngu kota yeto, kha kuswi ku txi laveka ti to hi ngadi hi txi womba-womba ngu mhakeyo.

Luka 13:31

Ka yoneyo mbimo, ku to bwaka vamwani Vafarisi kwakwe, va ta kha vona: “Khukha hawa u tsula, nguko Herodha a lava ku kudaya.”

Luka 3:1

Ngu dilembe da wugumi ni mtxhanu da kufuma ka Tibheriyo Khezari, na Ponsio Pilato i di mfumeli wa Judheya, Herodha i di mfumeli wa Galileya, Filipi mnanda wakwe i di mfumeli wa Itureya, ni wa ditiko da Trakonita, Lisaniya i di mfumeli wa Abhileni;

Marku 8:28

Se vona va to angula va txi kha vona: “Va kha vona u Johani Mubhabhatisi, vamwani va u Elija, vamwani kambe va kha vona u mmweyo wa vaprofeti.” Se ene a txi engeta a txi va wotisa a txi khene:

Marku 1:45

Kambe ene, neti a nga huma, a to khata kuhuwelela, asi malali, e hangalasa mahungu ale, se Jesu e tandeka ni kuwulela ka m'ti wuhi ni wuhi, na ti txi ziwa; aniko a ti zumbela hahanze, ekhalela, se vathu ve huma ngu ka otshe makhalo ve ta kwakwe.

Marku 1:28

Kunukunuko nduma yakwe yi to hangalaka ka otshe makhalo a Galileya.

Matewu 9:31

Aniko vona, va txi huma, va to nuwela nduma yakwe ka dotshe ditiko dile.

2 Makronika 26:15

Se titxhari ti to maha mitxhini, e yi veka amu ka sitezi ni mu ka makhona a Jerusalema, kasi kuve txopa ngu yona marigwi a hombe. Wudhumo wakwe wu to hangalaka ka matiko otshe, nguko Mkoma a ti ti vhunetela ngu nzila yo xamalisa kala ku a txi tsana.

2 Makronika 26:8

Va ka Amoni va to mu tisela simaha sokari va ta muha, se wudhumo wakwe u hangalaka kala mihinganoni ka Egipta, nguko i ti ti m'thu wa mtamo ngutu.

Luka 9:19

“Vathu va kha vona ngani mani kani?” Vona va to xamula va txi kha vona: “Va u Johani Mubhabhatisi, se vamwani va kha vona u Elija, vamwani kambe va kha vona u mmweyo wa vaprofeti, a nga wuka ngu ka vakufa.”

Vahebheru 2:4

ku txi fakazelwa kambe ngu Txizimu, ngu sikombiso ni sixamaliso, ngu sidiwukiso sa totshe tixaka ni siningo sa Moya wo Sawuleka, asi si phakelwako madingano ni kuranda ka txona.

Luka 7:17

Se mahungu awa ma to hangalaka ni dotshe ditiko da Judheya ni ka otshe maphambo a hafuhi.