Marku 6:12 - Bhiblia Yo Sawuleka

¹² Se va di khukhile ve tsula, va to txhumayela ti to vathu va na hunduluke,

Marku 6:12 Referans Kwoze

Matewu 4:17

Kukhukhela ka txonetxo txikhati, Jesu a to khata kutxhumayela a txi khene: “Hundulukani, nguko Mfumo wa nzumani wu hokile.”

Mithumo 20:21

Kufakaza kwangu i ti ka kulaya Vajudha ni Vagriki, kasiku ve hunduluka ve kholwa ka Txizimu, ni ka Mkoma wathu Jesu Kristu.”

Mithumo 11:18

Ngako va di pfite timhaketo, va to malala ve dhumisa Txizimu, va txi kha vona: “Kunene, ni vona vamatiko Txizimu txi va ningile kuhunduluka ku ku yisako wutomini.”

Mithumo 2:38

Pedro a to va xamula, a txi khene: “Hundulukani, se mmwani ni mmwani a na kombele kubhabhatiswa ngu ditina da Jesu Kristu, kasiku e mana kudivalelwa sionho. Ti di mahile eto, mi na amukela txihiwa i ku Moya wo Sawuleka.

Luka 13:3

Lambi! Ani na mi gela ti to na nanu, ngako mi si hunduluki, mi na lovisa toneto.

Luka 11:32

Vathu va Ninivha va na ema kulamulwani kumweko ni liveleko liya, va na li kona, nguko va hundulukile ngako va txi txhumayelwa ngu Jona; kasi wa hombe kupinda Jona waho hawa.”

Matewu 3:8

Humisani mihando yi yi dinganako kuhunduluka kwanu;

Matewu 3:2

a txi khene: “Hundulukani, nguko wu hafuhi Mfumo wa nzumani.”

Ezekhiyele 18:30

Ngu kumaha keto, ani ni na mi lamula, mmweyo ni mmweyo ngu tinzila takwe, awe nyumba ya ka Israyeli, kuwomba Mkoma Txizimu; ngonani, hundulukani ka sotshe sihambunyeto sanu, se wubihi kha wu na mbi mi humba.

Mithumo 26:20

Aniko kukhata ni txhumayete ka va Dhamasku, ni va Jerusalema, ni va dotshe ditiko da Judheya, kala ka vamatiko, ti to ve phinduka ve wuya ka Txizimu, va txi maha mithumo yi yi dinganako kuphinduka kwawe.

Mithumo 3:19

Ngu toneto, pandisekani mbiluni kwanu, mi txi hunduluka, kasi mi na mana divalelo ya sionho sanu.

Luka 24:47

ni tiya kambe taku ku na txhumayelwa, ngu ditina dakwe, mhaka ya kutilaya ni kudivalelwa ka sionho ka otshe matiko, kukhukhela Jerusalema.

Luka 15:10

Ani na mi gela ku khani, kufana ni toneto, ku na ni litsako la hombe masoni ka tingelozi ta Txizimu, ngu txionhi tximwetxo txi hundulukako.”

Luka 15:7

Na mi gela ku khani, kufana ni toneto, nzumani ku nava ni litsako la hombe ngutu ngu mhaka ya muonhi mmweyo a nga hunduluka, kupinda litsako la kutsakela mtxhanu wa magumi ni mune ni mtxhanu ni mune wa vathu va kululama, va si faneliko kuhunduluka.”

Luka 13:5

Lambi! Ani na mi gela ti to na nanu, ngako mi si hunduluki, motshe mi na lovisa ku nga toneto.”

Marku 1:15

“Mbimo yi tatisekile, se Mfumo wa Txizimu wu hafuhi. Hundulukani mi txi kholwa ka Evhangeli!”

Matewu 11:20

Sekoko, Jesu a to khata kusola madhoropa awa a nga ti mahile ka ona sidiwukiso sakwe so tala, nguko ma sa hunduluka, a txi khene:

Matewu 9:13

Tsulani mi ya gonda ti to ti txhamusa txani ati taku: ‘Ni dhunda ngutu wumbilu kupinda timhamba!’ Nguko kha na tela ku ta dhana valulami, aniko ni tete vaonhi.”

Luka 9:6

Koneho va to huma, ve tsimbila ngu mkhokhola ni mkhokhola, na va txi gondisa Evhangeli, ka otshe makhalo ve hanyisa valwali.

Marku 1:3

Nga ti ti nga bhaliswa tona dibhukuni ka Mprofeti Isaya, a nga khene: “Dipswi da wule a kwangulako txiwulani di kha dona: ‘Longisani nzila ya Mkoma, lulametani maphango akwe.’ ”

Matewu 11:1

Ngako Jesu a di gwitile kuleletela timhaka tiya ka vagondiswa vakwe va digumi ni vambidi, a to khukha konaho e tsula a txi ya gondisa ni kutxhumayela mitini ka ditiko dawe.