Marku 5:43 - Bhiblia Yo Sawuleka

⁴³ Ene a to va leletisisa ti to ni wammweyo asi thuki a txi tiziva ati ti nga maheka, se a txi va gela ti to ve ninga sakudya mwanana wule wa txihoranana.

Marku 5:43 Referans Kwoze

Matewu 8:4

Jesu a txi khene kwakwe: “Ti wonele, u nga gele m'thu, aniko tsula u txi ya ti kombisa ka mphaxeli, u txi humisa mningelo wu wu nga emiswa ngu Mosi, kasi ku na maha wufakazi kwawe.”

Marku 7:36

Jesu a to va laya eto, ti to va si geli m'thu. Aniko hambiko a nga txi va laya eto, vona va ti simama kururutela mhaka yiya.

Marku 1:43

Jesu a to tekela ku mlaya ngutu, a txi mtsutisa ngu kukuluveta,

Matewu 9:30

Se maso awe me tuleka. Jesu a to va laya ngutu a txi khene: “Ti woneleni ti to mhaka yiya yi si ziwi ngu m'thu ni wammweyo.”

Johani 5:41

“Hi nga ngu ka vathu ni amukelako wudhumo.

Luka 8:56

Se vaveleki vakwe va to xamala ngutu. Se ene a to va leleta ku va si geli m'thu ati ti nga humelela.

Luka 5:14

Se a to mu leleta a txi khene: “U nga thuke u txi gela m'thu, kambe tsula u ya ti kombisa ka mphaxeli, u txi maha mningelo wa kubasiswa kwako, nga ti Mosi a nga leletisa tona, kasi wu na va wufakazi kwawe.”

Marku 3:12

Kambe ene a to yi gela ngu kutsanisa ti to yi si thuki yi mu nuwela.

Matewu 17:9

Se mbimo yi va nga ti relela ngu mmangoni niya, Jesu a va layile, a txi khene: “Mi nga wombeni ni ka wammweyo txidiwukiso txi mi nga txi wona, kala mbimo yi Mwanana wa M'thu a no wuka ngu ka vafi.”

Mithumo 10:41

i si nga ka votshe vathu, aniko ka tifakazi ti ti nga sawulwa ngu kale ngu txona Txizimu: I ku athu hi nga dya, hi txi sela kumweko nayo, msana ka kuva a di wukile ngu ka vofa.

Luka 24:30

Se a di khalahatshile navo ha mezani, a to teka dipawu, e di katekisa, se ngu msana e di bhanda, e va ninga.

Marku 5:42

Kunukunuko, a to wuka a txi tsimbilatsimbila, nguko i ti wa tanga ya digumi da malembe ni mambidi. Votshe vathu ve xamala ngutu.

Marku 9:9

Mbimo yi va nga txi relela ngu mmangoni, a to va tsimba ti to va si geli m'thu ati va nga ti wona kala Mwanana wa M'thu e wuka ka vakufa.