Marku 5:40 - Bhiblia Yo Sawuleka

⁴⁰ Vona va to khata ku mu seka. Aniko Jesu a to humisa hahanze votshe vathu vale, a txi teka dwe tate ni mame wa mwanana wule wa txihoranana, kumweko ni vale va nga ti tile nayo, e wulela ka wukhalo wu a nga ti otelisitwe kona mwanana.

Marku 5:40 Referans Kwoze

Nehemiya 2:19

Se mbimo yile a nga tiengisa Sambalati, Muhoroni, ni Tobhiya, txithumi txa Muamoni, ni Gesemi, Muharabhi, va to hiseka, ve hi txhipisa, va txi kha vona: Nda txani tona ti mi mahako kani? Mo lava kuwukela mfumeli kani?

2 Vafumeli 4:33

Sekoko a to wulela, e va sekela ditimba votshe vavambidi, e khongela ka Mkoma.

Mithumo 17:32

Kambe vona, ngako va txi pfa mhaka ya kuwuka ka vafi, vamwani va to seka, vamwani va txi kha vona: “Hi ngadi hi txi na tshumela hi kuengisa kambe ka mhakeyo.”

Luka 16:14

Vafarisi va i ku vathu va makolo ni male, va ti tiengisa totshe timhaketo, se ve mu seka.

Matewu 7:6

“Mi nga thukeni mi ninga timbwa silo si si nga sawulwa, hambi kutshotsha tidhayimana tanu ka tikhumba, kasiku ti si ti kandeteli ngu mikondo, ti mi wukela, ti txi mi vhandamulela ngu makwasa.”

Masalmo 22:7

Votshe vale va ni wonako va ni tseketsela; va minula ngu txisofu, ve zinginika misungo va txi kha vona:

Jobe 12:4

Ani ni txisekiso ka vangana vangu; ani na dhana Txizimu, se txona txa ni xamula; wamnene ni wo lulama vo maha sisekiso.

Genesisi 19:14

Sekoko Loti a to ya khene ka majaha ale ma nga txi lava kuteka mahorana akwe: “Khukhani, humani ka wukhalo wuwa. Nguko Mkoma a lava kuhaxula didhoropa.” Kambe atiya ti to wombwa vakanganyisi.

Matewu 15:11

Hi nga sona si si wulelako mkanani si bihisako m'thu; aniko asiya si humako ngu mkanani ka m'thu ngu sona si mu bihisako.”

Marku 5:39

Se a txi va gela ku khene: “Masaluko awa nga txani ni kudila kuwa nga txani kani? Dihorana kha da fa, di to otela.”

Marku 5:41

Se a di mu ñote ngu diwoko a to womba a txi khene: “Talita kumi!” Ati ti wombako ku: “Txihoranana ni khani kwako, wuka!”