Marku 5:35 - Bhiblia Yo Sawuleka

³⁵ Ene a di ngadi a txi womba-womba, ku to bwaka vathu va kuta ngu m'tini ka mthangeli wa disinagoga va txi kha vona: “Mwanana wako a fite; se u karatela txani kambe M'gondisi kani?”

Marku 5:35 Referans Kwoze

Luka 8:49

Ku ti ngako a di ngadi a txi womba-womba, ku to bwaka mmwani wa kuta ngu nyumbani ka mthangeli wa disinagoga, a txi khene kwakwe: “Mwanana wako a fite. U nge ngadi u txi karata M'gondisi.”

Johani 11:39

Jesu a to khene: “Thavisani dirigwi.” Marta, ndiya mufi, a to angula, a txi khene: “Mkoma, ene se wa nunga, nguko i mune wa masiku na a di fite.”

Johani 11:28

A di wombile tiya, a to khukha eya dhana mwanawe Mariya, a txi mu gela ngu malengo a txi khene: “M'gondisi a bwakile, wa kudhana.”

Johani 5:25

Ngu ditshuri, ngu ditshuri, na mi gela ku khani: Yata mbimo, kambe yi hokile konkuwa, ayi vafi va no engisa dipswi da Mwanana wa Txizimu, se ava va no di engisa va na hanya.

Marku 10:17

Mbimo yi Jesu a nga huma a txi goxometa nzilani kwakwe, m'thu wokari a to tutuma a ta mu khizamela, a txi mu wotisa a txi khene: “M'gondisi wamnene, nji txani ni fanelako ku txi maha, kasiku ni mana thomba ya wutomi wo mbi guma kani?”

Marku 5:22

Konaho a to bwaka mmweyo wa vathangeli va disinagoga, ditina dakwe a dhanwako ku i Jayiro. Se a di mu woni, a to mu khizamela,

Johani 11:32

Mbimo yi a nga hoka ahawa Jesu a nga ti kona, a txi mu wona, Mariya a to khizama minengeni kwakwe, a txi khene: “Mkoma, idiku awe u ti ti ho hawa, ndiyangu, nga a sa fa!”

Johani 11:25

Se Jesu a txi khene: “Ani ngani Kuwuka ni Wutomi; awule a kholwako kwangu, hambi a di fite, a na hanya.

Johani 11:21

Marta a to womba ka Jesu, a txi khene: “Mkoma, idiku awe u ti ti ho ahawa, ndiyangu nga a sa fa.

Matewu 26:18

Ene a to angula, a txi khene: “Tsulani didhoropani, ka m'ti wa nombwe wokari, mi na ya mu gela tiya: ‘M'gondisi a khene: Mbimo yangu yi hafuhi. Ni lava ku ta mahela nyumbani kwako Pasika kumweko ni vagondiswa vangu.’ ”

Matewu 9:18

Ngako Jesu a txi txhumayela tiya, nganakana yokari, yi to tshuketa yi txi mu khizamela, yi txi kha yona: Mkoma mwanana wangu wa muhorana i ngadi kwakwe kufa konakwa, kambe ngono u ta sanzeka dianza txitimwi kwakwe, kasiku a na hanya.”

Matewu 26:10

Aniko Jesu, ngako a txi ziva mapswi awa, a to va gela ku khene: “Mi karatela txani wu wa wamsikati, kani? Khaditsuri ene a ni mahete mthumo wa lisima.