Marku 5:29 - Bhiblia Yo Sawuleka

²⁹ Kha ditshuri, ngu ka yoneyo mbimo, wu to leka kuhumela mnoha, se ene a txi tipfa ha mmidi kwakwe ti to a hanyisilwe ka malwati ale.

Marku 5:29 Referans Kwoze

Marku 5:34

“Mwanangu, likholo lako li ku hanyisile, tsula ngu kuthutha, thuseka ka malwati ako.”

Marku 3:10

Nguko a di hanyisile vathu votala, votshe va va nga ti ni wulwati, va ti ti rinza kwakwe, kufela ku mu gwesa.

Masalmo 103:3

Ngene a divalelako sotshe sionho sangu a txi ni hanyisa ka yotshe mipando yangu;

Masalmo 30:2

Mkoma, Txizimu txangu, ni ku kombete txivhuno, se awe u ni hanyisile.

Masalmo 147:3

Ene wa tangalisa timbilu ta vale va nga khuveka a txi bhanditxha silonda sawe!

Masalmo 107:20

Ngu dipswi da txona Txizimu txi va hanyisile txi txi va hulukisa ka lifo!

Eksodha 15:26

Se a txi khene: “Ngako u txi engisisa kha kwati dipswi da Mkoma, Txizimu txako, ni kumaha ti i ku to lulama masoni kwakwe, kambe u txi dingeta nzeve yako ka sirumo sakwe, ni kuvekisa sotshe sileleto sakwe, kha ni na mbi rumela malwati ni a mamwewo txitimwi kwako, ale ni nga ma veka txitimwi ka Vaegipta; nguko ani ngani Mkoma, ni ku kalamukisako.”

1 Vafumeli 8:37

Ku txi maneka nzala ditikoni, ku txi humelela mitungu, ku txi maneka kuhya ka timbewu, kujingara ka siyalo, tihumbi ni titshikiti, mbimo yi mlala wako a tsivako sike sako, mwendo kumaneka ka mitungu yokari hambi malwati,

Levhi 20:18

Ngako wamwamna wokari a txi otela ni wamsikati wule a ku ni mitxima yakwe, e ziva wumbwiri wakwe, a txi ziva ditshina da mnoha wa wamsikati, ni wamsikati a zivile ditshina da mnoha wakwe, ngu wumbidi wawe va na fuviswa hagari ka vathu va ka kwawe.

Luka 7:21

Ka txonetxo txikhati, Jesu a txi hanyisa votala ka malwati ni ka mipando ni ka mimoya yo biha, e ninga kuwona ka mabhofu.

Matewu 9:20

Sekoko, mmweyo wamsikati a nga ti xupheka ngu malwati a lingolengole, ngu txipimo txa digumi da malembe ni mambidi, a to mtshuketela ngu msana, e gwesa wuziva wa nguwo yakwe.

Marku 5:28

nguko a ti ti khene: “Hambi idiku no sikota kugwesa syambalo sakwe dwe, ni na hanyiswa.”

Levhi 14:48

Ngako mphaxeli, a txi engeta e yi xolisisa, e wona tito, ngu msana ka kuva yi di kopotwe, kuwoneka ti to mtungu kha wa endeleka, a na womba ku yi basile; nguko mtungu wu gumile.