Marku 5:27 - Bhiblia Yo Sawuleka

²⁷ Ngako a di engisile va txi womba-womba ngu Jesu, a to ta bwaka hagari ka dibutho, a to ema ngu msana kwakwe Jesu, a txi mu gwesa nguwo yakwe;

Marku 5:27 Referans Kwoze

Mithumo 19:12

Ahawa ka kuza vathu ve teka mafadhuko ni tinguwo ti ti nga ti gwesile mmidi wakwe, ve ti kapeka txitimwi ka valwali, se vona ve kalamuka ka malwati awe, ni mimoya yo biha yi huma kwawe.

Matewu 14:36

Se va txi mkombela ti to e va tumelela kugwesa hambi tshoka ya nguwo yakwe dwe; se votshe va va nga m'gwesa, va to hanyiswa.

Mithumo 5:15

Ahawa va nga txi tisa valwali ve ta va veka tinzilani, va di va otelisile ha matahoni ni ha madhandoni, kasiku Pedro, mbimo yi a pindako, a na fenengeta vamwani ka vona hambi ngu mtsudi wakwe.

Marku 6:56

Kambe kotshe hawa a wulelako kona, mikhokholani ni madhoropani mwendo mu tithembweni, va ti ti veka va va lwalako, mitendelani, se ve mkombela ti to e va tumelela kugwesa, hambi i di wuziva wa nguwo yakwe. Se votshe va va nga txi mu gwesa, va ti hanyiswa.

2 Vafumeli 13:21

Ku to maheka ti to va txi tshotsha wamwamna wokari, va to wona sigevenga, se ve rinza wamwamna wule diphalani ka Elixa, se a to ya wa e peka marambu ya Elixa, a to wuka e ema ngu minenge yakwe.

Marku 5:26

awu a nga tsimbila a txi xaniseka ngu kulava kuthumwa mu ka tiñanga to tala, a txi luza yotshe thomba yakwe, asi kalamuki, ka malwati yawa ma nga txi tamarisa kuya kubihani.

Marku 5:28

nguko a ti ti khene: “Hambi idiku no sikota kugwesa syambalo sakwe dwe, ni na hanyiswa.”