Marku 5:23 - Bhiblia Yo Sawuleka

²³ a txi mkombela ngu kukarateka a txi khene: “Mwanana wangu wa txihoranana a hafuhi ni kufa, ngono u ta msanzeka manza, a na kalamuka a txi hanya.”

Marku 5:23 Referans Kwoze

Luka 13:13

Se a to msanzeka manza txitimwi, koneko wamsikati a so lulama, e dhumisa Txizimu.

Luka 4:40

Ngako di txi swa ditambo, votshe va va nga txi lwala ngu wulwati wuhi ni wuhi, va ti tiswa kwakwe, se e sanzeka manza akwe txitimwi ka mmweyo ni mmweyo, a txi va hanyisa.

Marku 16:18

va na ñola minyoka ngu manza, se hambi va txi sela sa txhefu, kha si na mbi va wusela phango; va na sanzeka manza ka valwali, ve kalamuka.”

Mithumo 28:8

Se tate Publiyo a ti ha ditahoni ngu kulwala ngu txindeyandeya ni mndani. Paulo a to tsula a txi ya mu txisela, a txi maha mkombelo ni ku msanzeka manza, se ene e kalamuka.

Luka 4:38

Se a to huma disinagogani e wulela nyumbani ka Simoni. Kambe mkokati wa Simoni a ti lwala ngu txindeyandeya, se ve mu kombelela kwakwe.

Marku 8:23

Ene a to mñola wu wa dibhofu ngu diwoko, e myisa hahanze ka mkhokhola, e mu thurela lure ka maso akwe e msanzeka manza, a txi mu wotisa a txi khene: “Wa wona txilo kani?”

Marku 7:32

Se ve tisa kwakwe m'thu wu i nga ti diphanzeve na a di ni txidimiti, ve mkombela ku e msanzeka manza txitimwi.

Luka 7:12

Mbimo yi a nga hoka ha diphangoni ka didhoropa, a to manana ni vathu, va nga txi huma, va txi heleketa m'thu wa kufa, awu i nga ti mwanana wammweyo ekha wa mame wakwe wa noni; vavangi va kuhuma didhoropani va ti kumweko nayo mame wule wa noni.

Marku 6:13

se va txi tovela madhimoni o tala, va txi tota mafura valwali votala, va txi va hanyisa.

Matewu 8:3

Sekoko Jesu a to nawuluta dianza dakwe a txi mu gwesa, a txi khene: “Na ti lava, basiswa awe.” Kunukunuko a to basiswa ka tshekela yakwe.

Masalmo 107:19

Sekoko va to dila ka Mkoma kupandisekani kwawe, se ene a to va xanguta kuxanisekani kwawe.

Masalmo 50:15

Ni dhane, mbimo yi u ku ha kuxuphekani; ani ni na kuhulukisa, se awe u na ni dhumisa.”

2 Vafumeli 5:11

Aniko Nahanani a to henya e khukha e tsula, na a txi khene: Ani ni ti ti khani ngu ditshuri a na huma a txi ta ema e khumbuka ditina da Mkoma, Txizimu txakwe, e gwesa ngu dianza dakwe ahale kupandako, e kalamukisa awule wa xokonho.

Mithumo 9:17

Ananiya a to tsula eya wulela nyumbani e msanzeka manza, a txi khene: “Sawule, mwanathu, Mkoma Jesu wu a nga ti wonekisa kwako hanzila, yona yi u nga ta ngu yona, ngene a nga ni ruma kasiku u tshumela u txi wona, u tala ngu Moya wo Sawuleka.”

Mithumo 6:6

Va to va emisa masoni ka Vapostoli, se vona ve va mahela mikombelo ni ku va sanzeka manza.

Johani 11:3

Tindiyakwe tiya, ngu tona ti nga rumela kuya gela Jesu, va txi kha vona: “Mkoma, awule u mu randako wa lwala.”

Marku 5:24

Jesu a to longoloka nayo na a txi londetelwa ngu vathu votala, va nga txi mu kama.

Mithumo 8:17

Sekoko ngu toneto, Pedro ni Johani va ti ti va sanzeka manza, se vona ve amukela Moya wo Sawuleka.

Mithumo 9:12

se ene ngu txiwoniso a woni m'thu wu a dhanwako ku i Ananiya, a txi wulela e m'sanzeka manza, kasiku e tshumela e wona.”