Marku 5:19 - Bhiblia Yo Sawuleka

¹⁹ Aniko Jesu kha mtumelela, a to khene kwakwe: “Tsula mwani, ka va ka kwanu, u ya zivisa totshe ti Mkoma a nga ku mahela tona, ngu ku kupfela wusiwana.”

Marku 5:19 Referans Kwoze

Masalmo 66:16

Ngonani mi ta engisa, motshenu mi kholwako ka Txizimu! Ni nata mi xawutela atile txona txi nga ni mahela!

Johani 4:29

“Ngonani mi ta wona m'thu wu a nga ni gela totshe ti ni nga ti maha. Ina hi nga ene Mesiya kani?”

Dhaniyeli 4:37

Se konkuwa koko, ani Nebhukodhonosori, na bonga, na guleta ni kudhumisa Mfumeli wa nzumani; nguko mithumo yakwe yotshe di ditshuri, ni tinzila takwe do lulama, kambe wa sikota kuveka hahatshi a vale va tikulisako.

Luka 8:39

“Tshumelela ka va ka kwanu, u txi ya xawutela totshe ti Txizimu txi nga ku mahela tona.” Se ene a to tsimbila ka dotshe didhoropa e huwelela totshe ti Jesu a nga mmahela tona.

Marku 5:20

Se a to khukha, e khata kuhuwelela ditikoni ka Dhekapoli totshe ti a nga mahelwa tona ngu Jesu, se votshe ve xamala.

2 Vafumeli 5:4

Sekoko Nahanani a to ya khene ka mfumeli: Dihorana dokari da ku ta ngu Israyeli, di wombile ti, ni tile.