Marku 5:15 - Bhiblia Yo Sawuleka

¹⁵ Ku ti ngako va di hokile ka Jesu, ve wona wu a nga ti ni txikwata txa mimoya a di khalahatshile, a di ambate, a di ni mapimo amanene va to telwa ngu dizowa.

Marku 5:15 Referans Kwoze

Vakolosa 1:13

Ene a hi ponisile ka txidema, a txi hi rurisa hi txi ya mfumoni ka Mwanana wakwe wo randeka,

2 Timoti 1:7

Nguko Txizimu kha txa hi ninga moya wa dizowa, aniko txi hi ningile moya wa mtamo, ni wa lirando ni kutipimela.

Luka 8:27

Ku ti ngako Jesu a di jatamile hahatshi, a to manana ni wamwamna wa didhoropa dileya, awu a nga ti wuleletwe ngu madhimoni, na a sa ambala txilo: Awu kambe a nga si zumbi nyumbani, aniko a ti hanyela mayivani.

Marku 5:9

Se e mu wotisa a txi khene: “Ditina dako u mani?” Wona wu mu xamula wu txi: “Ditina dangu ni Txikwata, nguko hi vangi.”

Luka 10:39

Ene a ti ni mwanawe, a nga ti dhanwa ku i Mariya, awu a nga khalahatsha hafuhi ni Jesu, atxi engisela mapswi akwe.

1 Samuwele 16:4

Samuwele koko, a to maha tile a nga gelwa ngu Mkoma, se eya Bhethehema. Sekoko madhota a didhoropani ma to huma me mu hingeta, va txi dhudhumela, va txi kha vona: Ina wuta ngu kudikha kani?

Masalmo 14:5

Vona va dhudhumela ngu kuthava, nguko Txizimu txi ema ni liveleko lo lulama.

Jobe 13:11

Ina kuguleka ka Txizimu kha ku na mbi mi xamalisa kani? Kuthisa ka txona kha ku na mbi wa txitimwi kwanu kani?

1 Makronika 15:13

Ngako koko, anu mi nga mbi ti maha kukhatani, Mkoma a hi tsayisile, nguko kha ha mlava madingano ni kuleleta kwakwe.

Marku 5:18

Jesu ngako a di bete ngalavani, m'thu wu a nga ti ni madhimoni a to mkombela kuzumba nayo.

Marku 5:16

Ava va nga ti wona va to xawutela ati ti nga humelela ka m'thu wu a nga ti ni madhimoni ni mhaka ya tikhumba.

Marku 5:4

Nguko a sungilwe ka kungi ngu makhodha ni titxhini, kambe a funyile makhodha ni kubhenula titxhini, ku si maneki ni m'thu wa mtamo wo sikota ku mu xula.

Matewu 12:29

M'thu a nga wulelisa kutxani nyumbani ka ndena, e tekela simaha sa yona, a sa thanga ngu ku yi sunga kani? Ngu kona a no sikota kuhanda sotshe nyumbani.

Matewu 4:24

Sekoko nduma yakwe yi to pfala kotshelele Siriya. Ve va tisa kwakwe votshe va va nga ti lwala ngu mipando yihi ni yihi, ava va nga txi xaniswa ngu malwati ni simwani sikarato, va madhimoni ni va vo tshanuka, ni silima; se ene a txi va hanyisa votshe.

Matewu 9:33

Ngako didhimoni di di tovetwe, txiduma txi to womba-womba, se dibutho di to xamala, di txi kha dona: “Txima kha ti zivi ka nga wonwa to nga tiya ka Israyeli.”

1 Makronika 13:12

Se ka ditshiku donedo, Dhavhidha a to thava Mkoma, a txi khene: Di na tisa kutxani kwangu dibhokiso da Txizimu kani?

Matewu 26:53

Ina u pimisa ti to ni nga tandeka kukombela ka Tate wangu e ni rumela kunukunukuwa mitxawa ya tingelozi, ya kupinda digumi ni yimbidi kani?

Marku 5:14

Vadyisi va tikhumba va to tutuma veya zivisa vathu va didhoropani ni va thembweni, se vona ve huma veya wona ti ti nga humelela.