Marku 5:11 - Bhiblia Yo Sawuleka

¹¹ Kona hale hafuhi ni mmango, ku ti ni mtxhambi wa hombe wa tikhumba, wu txi hava.

Marku 5:11 Referans Kwoze

Luka 8:32

Mtxhambi wa hombe wa tikhumba wu ti ti ho mmangoni, wu txi dya. Se madhimoni ma to mkombela ti to e tumela ku ma txi wulela ka tona. Se ene a to ma tumelela.

Matewu 8:30

Se, kule nyana navo, ku ti ti ho mtxhambi wa hombe wa tikhumba, ti nga ti ti dya.

Isaya 66:3

A wule a dayako homu, a fana ni wule a dayako m'thu; awu a phaxako ngu txinvutana, a fana ni wule a dayako yimbwa; awu a ningelako sa thembweni a fana ni wule a ningelako mnoha wa khumba; awule a hisako dibaselo a fana ni wule a khozelako txithombe; ni vona vava va ti langela tinzila tawe vapune, se muhefemulo wawe wa tsaka ngu wubihi wawe.

Isaya 65:4

ve khalahatsha hafuhi ni mathita, ve heta wusiku wotshe ka makhalo a sihuja, va txi dya nyama ya khumba, ve nyamisa timbiya tawe ngu sakudya so yila.

Dhewuteronome 14:8

Hambi khumba, hambiko yi ku ni sitsendo so bhandwa, aniko kha yi nyengi; yona ya yila kwanu; mi nga dyeni nyama ya sona, hambi kugwesa sirumbi sa sona.

Matewu 7:6

“Mi nga thukeni mi ninga timbwa silo si si nga sawulwa, hambi kutshotsha tidhayimana tanu ka tikhumba, kasiku ti si ti kandeteli ngu mikondo, ti mi wukela, ti txi mi vhandamulela ngu makwasa.”

Marku 5:10

Se wu to mkhongotela ti to asi thuki a txi yi tovela kule ni ditiko dile.

Marku 5:12

Se mimoya yotshe yi mkhongotela, yi txi kha yona: “Hi rumele tikhumbani, hi ya wulela ka tona.”