Marku 4:8 - Bhiblia Yo Sawuleka

⁸ Timwani timbewu ti to wela ka mafu amanene, ti txi mila, ti txi kula, ti txi veleka: Yimweyo yi veleka magumi mararu, yimwani mtxhanu wa magumi ni dimwedo, yimwani dizana.”

Marku 4:8 Referans Kwoze

Johani 15:5

Ani ni ditshina da m'vhinya, anu mi madhavi. Awule a zumbako kwangu, nani ni txi zumba kwakwe, eyo wa veleka mihando yayingi, nguko hahanze kwangu, kha mi na kusikota kumaha txilo.

Vakolosa 1:6

ayi yi nga hoka kwanu, ayi yi vekako mihando ka dotshe ditiko, ayi yi kulako nga ti yi mahisako tona hagari kwanu, txima mi txi engisa, ni ku engisisa ngu ditshuri da kona, kateko ya Txizimu.

Marku 4:20

Ati ti nga phaywa ka mafu amanene, ngu va va engisako dipswi, ve di amukela, se ve veleka mihando, mbewu yimweyo yi veleka magumi mararu, yimwani mtxhanu wa magumi ni dimwedo, yimwani dizana.”

Genesisi 26:12

Isaake a dimile e phaya ka ditiko dile, se a txi elula ka dona dilembe dile, so pinda ngu 100 ka sile a nga phaya, nguko Mkoma a mkatekisile.

Mithumo 17:11

Vona va ti ni mialakanyo ya yinene kupinda ya Vatesalonika. Va amukete dipswi ngu yotshe mbilu. Ditshiku ni ditshiku va ti gonda dibhuku, kasi kuwonisisa ditshuri da totshe timhaka.

Matewu 13:8

Yimwani, ngu kugwitisa, yi to wela ka mafu amanene yi veleka mihando: Nyingi yimweyo yi veleka dizana, yimwani mtxhanu wa magumi ni dimwedo, yimwani makumararu.

Jeremiya 23:29

Ina mhaka yangu kha yi fani ni mndilo kani? Kuwomba Mkoma! Kha yi fani ni hamela yi bhandako marigwi kani?

Vafilipiya 1:11

mi txi pfunelwa ngu mihando yo lulama, yi tako ngu ka Jesu Kristu, kasiku Txizimu txi pfaliswa ni kudhumiswa.

Johani 7:17

Ngako m'thu a txi lava kumaha kuranda ka Txizimu, a na tiziva ti to gondo yangu yi huma ka Txizimu, mwendo no ti wombela tangu ngu wutumbu.

Luka 8:15

Ati ti nga wela ha mafuni ka kunene, ngu va va nga engisa Dipswi ngu mbilu ya yinene ni yo lulama, ve di xayisa, ve veleka mihando ngu kutimisela.”

Luka 8:8

Aniko timwani ti to wela ha mafuni ka kunene, ti txi kula, ti veleka ngu dizana.” Ngako a di wombile-to, a to huwelela a txi khene: “Awu a ku ni tinzeve ta kuengisa a na engise.”

Matewu 13:23

Ani wule a nga amukela mbewu ka mafu amanene, ngu wule a engisako dipswi, e di veketa; eyo ngene a velekako mihando, ahawa a txi veleka dizana, ahawa mtxhanu wa magumi ni dimwedo, ahawa makumararu.”

Isaya 58:1

Huwelela ngu dipswi do guleka, u nga malale, guleta dipswi kufana ni mpundu; kambe zivisa vathu vangu wuhambunyeti wawe, ni va nyumba ya ka Jakobe sionho sawe.

Marku 4:7

Timwani timbewu ti to wela mipani. Yona mipa, ngako yi txi kula, yi to ti kura, se ti tandeka kuveleka.

Marku 4:9

Se a txi khene: “Awu a ku ni tinzeve to engisa, a na engise.”

Vaefesu 2:21

kwakwe nyumba yotshe yi mana kudingana ni kukula, yi txi maha dithepele do sawuleka da Mkoma.