Marku 4:6 - Bhiblia Yo Sawuleka

⁶ Kambe ditambo, ngako di txi thola, tona ti to wuna, ti oma, ngu kupwata mikuluti.

Marku 4:6 Referans Kwoze

Jakobe 1:11

Nguko, neti ditambo di txi huma ni kuhisa ka dona, di omisa mwasi, se siluva sa wona si txi mora, kutshura ka wona ka mwalala; ngu tona ti a gwitisako tona nyatithombe ni mabhindu akwe.

Mtuletelo 7:16

Kha va na mbiswa va txi pfa nzala, kha va na mbiswa va txi pfa ditora, kha va na mbiswa va txi pfa kuhisa ka ditambo kumbe lisani.

Judha 1:12

vathu vava ngu vona i ku sikhuvekiso mibusoni kwanu ka lirando; vadya va si na tingana, ve ti dyisa vapune, va fana ni marefu o mbi na mati, ma pengapengiswako ngu moya; mindonga ya wuxika yi si velekiko mihando, mindonga yi nga fa kumbidi yi txi dulwa ni mikoloti ya yona;

2 Vatesalonika 2:10

A na thumisa totshe tinzila to biha, ti ti xengako ava va yako kulovani, nguko kha va amukela ni kuranda ditshuri, kasiku ve huluswa.

Vakolosa 2:7

zimani mikoloti kwakwe, mi txi akwa txitimwi kwakwe, mi txi tsaniswa amu ka likholo, nga ti mi nga gondisiswa tona, mi txi tala ngu kubonga.

Vaefesu 3:17

ni ti to Kristu a txi aka timbiluni kwanu ngu kukholwa, kufela ku lirando li txi maha mkoloti wa kutsanisa dihanyo danu.

Jona 4:8

Se ku to maheka taku, kuhumani ka ditambo, Txizimu txi rumela moya wo hisa wa wutxani, se ditambo di peka msungo wa Jona, se a to tsivala; e navela ngu wotshe moya wakwe kufa, a txi khene: “I txhuko kwangu kufa kupinda kuhanya.”

Isaya 25:4

Nguko uve mkhokhola wa txisiwana, kambe uve mkhokhola wa wule wo pwata, kuxanisekani kwawe; wuthavelo masoni ka txihuhuri, ni mtsudi ha lisanini; nguko kufuteta ka vaxanisi, kufana ni txihuhuri txo peka diguma.

Ndando ya Tindando 1:6

Mi nga woneni ku ni ku ni mtima, nguko ditambo di woningile txitimwi kwangu. Tindiyangu ti ni henyete, se ti ni mahile muwoneleli wa tithembwe; thembwe yi yi ni lumbako kha na yi xayisa.

Matewu 13:6

Aniko mbimo yi ditambo di nga huma, mbewu yi to hya ngu lisani, yi oma, nguko yi si nga ni mikuluti.

Marku 4:5

Timwani timbewu ti to wela marigwini, ahawa ka ku ambi na mafu amangi, se ti kuluveta kumila, nguko mafu ma ti sa tshima.

Marku 4:7

Timwani timbewu ti to wela mipani. Yona mipa, ngako yi txi kula, yi to ti kura, se ti tandeka kuveleka.