Marku 4:5 - Bhiblia Yo Sawuleka

⁵ Timwani timbewu ti to wela marigwini, ahawa ka ku ambi na mafu amangi, se ti kuluveta kumila, nguko mafu ma ti sa tshima.

Marku 4:5 Referans Kwoze

Ezekhiyele 36:26

Se ni na mi ninga mbilu ya yiphya, kambe ni na thela moya wa wuphya mndani kwanu; ni na thavisa mbilu ya dirigwi ka nyama yanu, ni txi mi ninga mbilu ya nyama.

Luka 8:13

Ava va ku ha marigwini, ngu va va nga engisa dipswi, ve di amukela ngu kutsaka, kambe ve pwata mikoloti, va txi tumela ngu mbimoanyana; se ngu mbimo ya txiduko, va rereka.

Luka 8:6

Timwani ti to wela ha marigwini, se ngako ti di mite, ti to wuna ngu kupwata thomu.

Amosi 6:12

Ina mahantxhi ma nga tutuma marigwini kani? Mi nga kudima ngu tihomu kani? Ngu kutxani mi hindula wulamuli wa wunene ngu wubihi, ni mihando ya wululamo ngu wukanganyisi kani?

Ezekhiyele 11:19

Kambe ni na va ninga mbilu yimweyo, ni thela moya wa wuphya mndani kwawe; se nyamani kwawe ni na thavisa mbilu ya dirigwi, ni txi va ninga mbilu ya nyama;

Matewu 13:20

Awule a nga amukela mbewu ha wukhaloni ka marigwi, ngu wule a engisako dipswi ngu txikuluveta ni kutsaka, aniko wo ziva ku di amukela ka txonetxo txikhati,

Hoseya 10:12

Tiphayeleni wululamo, mi funyela madingano ni wumbilu, dimani thembwe ya wudimo, nguko i mbimo yo lava Mkoma, kala kuza e ta, kunane kululama txitimwi kwanu.

Marku 4:4

Ngako a txi phaya, timwani timbewu ti to wela hanzila, se sinyana si ta, si ta dyela totshe.

Marku 4:6

Kambe ditambo, ngako di txi thola, tona ti to wuna, ti oma, ngu kupwata mikuluti.