Marku 4:41 - Bhiblia Yo Sawuleka

⁴¹ Se vona va to telwa ngu kuthava ka hombe, ve gelana va txi kha vona: “I mani ene wuwa, waku hambi diphuho ni linene si mu engisa kani?”

Marku 4:41 Referans Kwoze

Luka 8:25

Se a txi khene kwawe: “Kukholwa kwanu ku hani kani?” Vona va to telwa ngu dizowa, ve gelana va txi kha vona: “I mani wu a malatako moya ni linene, si txi mu engisa, kani?”

Jobe 38:11

ni txi khani: U nata kala hawa, u ngaye masoni kambe, mavimbi ako o thisa me ta phwatikela hawa kani?

Matewu 8:27

Se vathu va to xamala va txi kha vona: “I m'thu muni wuwa wa ku hambi txihuhuri ni linene si txi mu engisa kani?”

Masalmo 89:7

Txizimu njo dingana kuthaviseka, ngutu msengeletanoni ka vasawuleki; txona nja hombe ni kuguletwa ngutu ngu votshe va txi randelako.

1 Samuwele 12:24

Thavani Mkoma dwe, mi mthumela ngu kuthembeka ka timbilu tanu totshe, nguko wonani timhaka ta hombe ti a nga mi mahela tona.

Mtuletelo 15:4

Mkoma, i mani a no mbi thava ni kupfalisa ditina dako, kani? Ina! Ngawe dwe u ku msawuleki! Yotshe mifumo yi nata khizama masoni kwako, nguko mithumo yako ya kululama yi ha kubasani.”

Marku 5:33

Sekoko awule wamsikati, na a txi dhudhumela ngu kuthava, ngu kuwa a nga txi tiziva tiya ti nga mu humelela, a to ya khizama masoni kwakwe, a txi mu txhamusela dotshe ditshuri. Se Jesu a nje khene kwakwe:

Vahebheru 12:28

Ngako hi nga amukela mfumo wo mbi dekadeka, he ñolisiseni ta tinene kateko yiya. Ngu yona, a hi khozeleni Txizimu ngu nzila yi yi amukelekako, ngu kutiveka hahatshi, ni txithavo.

Luka 4:36

Se ve xamala votshe, va txi wotisana va txi kha vona: “Ti womba txani tona tiya, kani? Ene a ruma mimoya ngu txikomakoma ni nyala, se yi huma!”

Matewu 14:32

Se va di wulete ngalavani, diphuho di to renga.

Malakiya 2:5

Txitumelelano txangu ni nene, i ti ti txa wutomi ni kudikha, se ani ni mningile txona kasi ku e ni thava; se a ni thavile e xamala ngu mhaka ya ditina dangu.

Marku 7:37

Se va to xamala ngutu, va txi kha vona: “A mahile totshe ngu mamahelo amanene. A mahile ti to maphanzeve me sikota kuengisa; siduma si sikota kuwombawomba.”

Marku 4:40

Se a txi khene kwawe: “Mi thavisa tiya ngu txani kani? Kha mi nzi kuva ni kukholwa kani?”

Marku 5:1

Se va to hoka mtxhatuko ka digova, ditikoni ka Vagerasa.