Marku 4:4 - Bhiblia Yo Sawuleka

⁴ Ngako a txi phaya, timwani timbewu ti to wela hanzila, se sinyana si ta, si ta dyela totshe.

Marku 4:4 Referans Kwoze

Matewu 13:19

Ngako m'thu a txi engisa dipswi da Mfumo, asi di engisisi, kuta m'bihi e ta fukula asile si nga ti phayilwe mbiluni kwakwe; awuwa njifananiso txa mbewu ya kuwela ha nzila.

Marku 4:15

Ava va ku hafuhi ni nzila, ahawa dipswi di nga phaywa kona, ngu vale va ku, ngako va di di pfite, Sathani e kuluveta a txi ta kwawe, a ta va tekela dipswi di di nga phaywa timbiluni kwawe.

Matewu 13:4

Mbimo yi a nga ti phaya, yimwani mbewu yi to wela ha nzila, se si ta sinyana si ta yi jokotela.

Genesisi 15:11

Magwana ma to ta khandama txitimwi ka sihari sile sa kudawa, aniko Abramu a ma dindile.

Luka 8:12

Ava va ku ha nzila, ngu vale va nga pfa dipswi, se Sathani a ta thavisa dipswi timbiluni kwawe, kasi va si kholwi ni kuhanyiswa.

Luka 8:5

“Mphayi a humile kuya phaya; ku ti ngako a txi phaya, timbewu timwani ti to wela ha nzila, ti txi kandetelwa ngu vathu, se sinyana sa txitimwi si ti jokotela totshe.

Marku 4:3

“Engisani. Mphayi a humile a txi ya phaya.

Marku 4:5

Timwani timbewu ti to wela marigwini, ahawa ka ku ambi na mafu amangi, se ti kuluveta kumila, nguko mafu ma ti sa tshima.