Marku 4:38 - Bhiblia Yo Sawuleka

³⁸ Jesu a ti txihondoni ka msana ka ngalava a di otete ha txikhigeloni. Se vona ve mu wusa va txi kha vona kwakwe: “M'gondisi, khu khatali ngu ngathu ngako hi txi lova kani?”

Marku 4:38 Referans Kwoze

1 Pedro 5:7

Vekani ka Txizimu kotshe kukarateka kwanu, nguko txona txa mi khatalela.

Vahebheru 4:15

Nguko, Mphaxeli wathu wa Hombe, hi ku nayo, hi nga ene wo sindwa ku hi pfela wusiwana ka sionho sathu, nguko nene a dukilwe ka totshe tinzila, kufana ni nathu, kambe kha maha txionho.

Matewu 8:25

Vagondiswa vakwe va to mtshuketela, va txi mu wusa va txi kha vona: Mkoma hi hulukise, ha lova.”

Luka 8:24

Se va to tshuketela ve mu wusa va txi kha vona: “M'gondisi, ha lova!” Se a to wuka a txi ema, a txi malata moya ni kuvhiluka ka mkutxu wa mati. Se si malate, ku txi va ni kutenga.

Isaya 64:12

Ina u ndi na simama u ti ñola awe, txitimwi ka yotshe xomulo yiya, awe Mkoma, kani? U ndi na malala, u hi xanisa kani?

Vahebheru 2:17

Ngu toneto, ti ti fanete ku e fananiswa ka totshe ni vanawe, kasiku, masoni ka Txizimu e va mphaxeli wa hombe, wa kutala ngu wumbilu ni kuthembeka, ti to e sikota kudihela sionho sa vathu.

Johani 4:6

A di karate ngu kutsimbila, Jesu a to khalahatsha hafuhi ni txisima txa Jakobe. I ti txikhati txa wutxhanu ni tximwetxo.

Isaya 63:15

Wona na u di nzumani, se u wona na u di ka wukhalo wako wo sawuleka, ni kudhundeka. Txi hayi txiluse txako, ni mithumo yako ya mtamo kani? U nga thavise kwangu lirando la mndani kwako ni la wumbilu wako!

Sidilo 3:8

Hambi ni txi dila, ni kupeka huwa, ene kha amukeli mkombelo wangu.

Matewu 22:16

Se va to m'rumela vagondiswa vawe ni va ka Herodha, va txi ya kha vona: “M'gondisi, ha tiziva ti to u na ni ditshuri ni ti to u gondisa nzila ya Txizimu ngu ditshuri, u si khatali ngu m'thu, nguko khu yi ngu txiemo txa m'thu.

Marku 4:37

Se ku so vhiluka nkutxu wa diphuho da hombe, mavimbi me wulela ngalavani, yi za yi lava kutala.

Marku 4:39

Se ene a to wuka e dhusa diphuho, a txi khene ka digova: “Malala, u txi dwe!” Se diphuho di renga, se ku va ni kudikha ka hombe.