Marku 4:37 - Bhiblia Yo Sawuleka

³⁷ Se ku so vhiluka nkutxu wa diphuho da hombe, mavimbi me wulela ngalavani, yi za yi lava kutala.

Marku 4:37 Referans Kwoze

Jobe 1:19

kutile moya wa hombe ngu txiwulani, wuta peka otshe mune wa madhawa a nyumba, yiwa txitimwi ka vanana vako, se va fite; ngani nokha ni nga huluka kuva ni kutisela mahungu.

Jona 1:4

Aniko Mkoma a to rumela moya wa hombe lineneni, se ku to maheka txihuhuri txa hombe lineneni, se txitimela txi txi nga txo lava ni kubhandeka.

Jobe 1:12

Se Mkoma a to khene ka Sathani: Wona ti taku, sotshe a ku naso si manzani kwako; wo lamba walo kusanzeka diwoko dako. Se Sathani a to khukha masoni ka Mkoma.

2 Vakorinto 11:25

Sikhati siraru ni nga kwapelwa ngu timhika, txikhati tximwetxo ni nga baliselwa ngu marigwi; kuraru ni nga theketwa ngu ngalava, ni fungate wusiku ni mitshikari ni di hagari ka linene.

Mithumo 27:41

Se ngako txitimela yi di khimile ha mafuni, hagari ka tidhonga timbidi, yi to khwekela. Khana ya txitimela, ngu kukhwekela ngu mtamo, yi to ñolwa yi si dekadeki; se mmidi wa txitimela wu txi funyekela ngu mtamo wa mavimbi.

Marku 4:36

Ku ti ngako va di siyite dibutho, va to mteka ngu ngalava yi ene a nga ti ka yona, se koneho ku ti ti ho timwani tingalava.

Marku 4:38

Jesu a ti txihondoni ka msana ka ngalava a di otete ha txikhigeloni. Se vona ve mu wusa va txi kha vona kwakwe: “M'gondisi, khu khatali ngu ngathu ngako hi txi lova kani?”