Marku 4:36 - Bhiblia Yo Sawuleka

³⁶ Ku ti ngako va di siyite dibutho, va to mteka ngu ngalava yi ene a nga ti ka yona, se koneho ku ti ti ho timwani tingalava.

Marku 4:36 Referans Kwoze

Marku 4:1

Jesu a to engeta e gondisa hafuhi ni digova, se dibutho da hombe di sengeletana kwakwe, se ene a to wulela ngalavani, ayi yi nga ti digovani e khalahatsha ka yona. Vathu votshe va ti mabambe ka digova.

Marku 3:9

Se e gela vagondiswa vakwe ti to ve m'vekela ngalava, kasiku dibutho di si mu kamareti.

Marku 5:2

Ku ti ngako Jesu a di humile ngu ngalavani, konako m'thu wu a nga ti ni moya wa nza mbwa, awu a nga ti huma ngu mayivani, a to mu hingeta.

Marku 5:21

Ngako Jesu a di tshawunyetile kambe ngu ngalava a txi ya mtxhatuko, va to ya tshangana masoni kwakwe vathu votala ngutu, hafuhi ni digova.

Matewu 8:23

Ngako a di wulete ngalavani, vagondiswa wakwe va to wulela ni vona ngalavani kumweko nayo.

Marku 4:37

Se ku so vhiluka nkutxu wa diphuho da hombe, mavimbi me wulela ngalavani, yi za yi lava kutala.

Marku 6:32

Va to khukha ve tsula ngu ngalava ka wukhalo wa txiwula, vona vokha.

Luka 8:22

Ka dimwani ditshiku a to wulela ngalavani ni vagondiswa vakwe, se a txi khene kwawe: “He tshawunyeteni digova diya hi ya mtxhatuko ka dona.” Se va to khukha.